KAWLGAM SDA SUNG KA MUHDAN
Thang Zam Pau (Tawmvei Australia)
Ka u lah ahi; ka lawm lah ahi; sanggam bangaa ka neih, ka maingap mah mah U Sing Zaam or Sia Thang Zam Pau @ Pauno (Anlangh)’ in ZAC leh Zomi SDA Googlegroups ah M leh C vai aa, alai-at te nih leh thum kong leptuah hi aa, athu te puahphatna omlo in, a laimal (words) te tawm kazuun suk bek hi. Thuhoih hisa ka hihman in leh ka thangah man in ih MUCthupuak ah kong khak hi.
SDA te pen General Conference (GC) tawh ki zom hamtang un cih sang in Pasian tawh kizom hamtang un, Pasian nusiat khakloh ding thupi hi cih ding thupi hi. JEISU mitsuan in Laisiangtho gen Bangzui in na dang dang te tawh na kizom kei phial zong in Jeisu tawh ki zom in Jeisu Thupiak te zui in hi peuh leh teh TOPa Jeisu na sang na hang leh a ma ong heh pih na bek tawh Vangam na kaai ding hi. JEISU tawh na ki zom peuh mawh nak leh Vantung gam na tungpel mawh ding hi. GC tawh ki zom lo te VANTUNG gamtung lo ding hiam ci in GC President pa lai khak in na dong tel le teh! Laisiangtho thu ahi Pasian inspirational words( book) sungh ah a om mah HIam? ci in kantel ding kisam hi. Thei loh pi genna in mi tampi tak lampial sak ding hi.
SDA man taktak te pen Laisiangtho genbang a zuite pen SDA man taktak kici hi. Laisiangtho Biblical instruction na zuih man in SDA Man taktak (Genuine SDA Conference or Mission) na hihi. General Conference tawh ki zom nuamlo hi lo in ki zop na ding pen nasia tak in avai hawm man in thuleh la hi bang ong piang hi zaw hi a, a ki zom nuamlo hi lo in a kizop sawm lua zaw leh ki khak tan hi zaw in a kikhak tan hang in a kizopsawm mahmah te hi zaw uh hi angah mah dong in. Jeisu tawh na kizop man in leh na it man in a ma thupiak te nazui ding a, tua in JEISU nungzui te SDA man taktak ih ki hi pan ding hi.
SDA Conference or SDA Mission ahi zong in Lungdam na thupuak in Pasian gam a ding mapang a nasem ahi nak leh lang panpan kulse ding maw? Kha mangthang mat na ding in leitung ah SDA Conference or SDA Mission te in khitui naptui luang in Antang na leh thu ngetna Ni 10 sungbang nei keei ve ey. Pasian na sem nuam te khak tan kha kei- in langpang kha kei in a nungta Pasian in kisam a sak nak leh khak tan lel ding hi. PASIAN NA SEM NUAM TE NA KHAK TAN SAWM ZONG IN NA KHAK TAN ZO KEI DING HI. PASIAN DEIH NA A OM NAK LEH PAI TO TO LEL DING A, A OM KEI LEH PASIAN IN HUN A SAK TE KHAWL SAK LEL DING HI. AMA LUNG HI MAWH DING IN LAISIANGTHO IN! Don't worry or bother for tomorrow na cihi.
Eisep ding pen tawngtung lungdam na thugen ding hi lel a nang thugenpen tawntung lungdam na thugen na tawh a kizom mah hiam? Pasian thugen nuam te munleh mual a neih kei leh nasum na paai te tawh pan pih in la sang a neih kei leh a neih na ding in na neih zahzah pan pih zaw in Pasian thu nungta kisin na leh pilna kisin na mun pen na khaktan sawmsawm nalung a kim mahmah diam? or Pasian in AMEN or So it be a cih mah ding hiam? SDA Conference or SDA Mission te in laisin nading nei lo te, sang inn nei lo te lungdam nathu theinai lo te ahuh a pan pihden te hi. Nang SDA Conference or SDA Mission Man taktak mah nahi hiam? SDA mantaktak te in Pasian lungdam na thuki sinna ding te pen panpih in thapia hi. A neihsa te uh iksiik lo uh hi kua mah nawng kai sak lo hi.
Mission of Seventh Day Adventists te na sep na leh Conference of Seventh Day Adventists te na sep na pen a mau na sep na tuak ah amau leh a mau in sem uh hen la ki subuai leh ki nawng kai sak kei le hang pen Anungta Pasian nuam zaw ding leh a min ki sanglap zaw ding hi. Mission SDA leh Conference SDA sung a te pen Pasian thu sung ah a kip kho te uh hi. Ei te na sep na ding pen SDA ahi nai lo mitampi tak kawl gam sungah tam mahmah hi tua te a ding Pastors te ahi a, workers te ahi zong in lai nat na leh lungdam na thupuak ding thu ki ngaih sun kha peuh mah lo in SDA suak sa buaipih in hun tam pi bei sak hi hang. Ih sum leh pai teng tawh Kawlmi te lak ahi zong in, mi zawng lak ahi kawlgam sung ah An te vak in lungdam na thu gen in Minutes nga sung bek gen leng zong pen Pasian minthang leh mitam pi tak in SDA thuman thutak theih lawh ding uh hi.
SDA sung ah Ih Pastors te ahi a ,Workers sia te ahi zong in ih Lungdam na thu te mah duh ngiat in lainat na leh it na tak tawh na sem le hang pen ih nung zui te mipi thu um mi te ki beh lap in anungta Pasian thusung ah kip paisuak ding hi. SDA Mission or Conference sung ah ih buai buai pen Pasian tuu cing Pawl pi kem sia te gi naat lo na hong suak hi. Ih vek pi in Pasian kiang ah zuat kik ding in kong han thawn hi. Mission (or)(ahi kei leh) Conference sung a ut peuh peuh a mau ut na ah om sak in a lung buai na ding in thu gen gen se lo in Conference SDA sung leh Mision SDA sung ah om nai lo mihing Pasian tate Pasian bawl sa kha mang thang te Mission SDA sung or Conference SDA sung ah ong lut thei na ding in han ciam zaw ni. Ih Topa Jeisu cih pen Calvary sing khuam tung a si pen mah hi lo hiam? Calvary singkhuam tung a si Topa Zeisu in Mite ki lem lo te ki lem sak in, mi kitawng te lem hi. A kam mal sung ah na gal te An na pia in ci hi - nang leh kei Jeisu nung zui SDA ki ci te in na gal te An na pia hiam? Thongsung prison sung ah khum zaw na hi hiam? tua lung tang teng ih hep khiat ding thupi hi. Tapidaw te in pen Zeisu kampi tawh thei lo in nei tak tak nuntak pih in zui pah ding hi hang.
Kigawm kik ding cihcih pen Pasian in adeih keileh hun a sakciangin onggawm kiklel ding hi. Motor highway ah atai ciangin lamka khat pan napial khitciang in na pialna pan in kilehmat kik thei nawnlo in taitaisuak in lamka omkik ciang in Highway pi- ah ki leh matkik thei pan hi. Hih Conference sungh a omte zong pen SDA pan in apial hih peuh mah lo in SDA hi kei SDA lutkik leh cihcih lungsim pen paih khiat ding thupi hi. Ted N. C. Wilson GC President of Seventh Day Adventist thu gengen te ngaiphapha ni khamangthang matding vaihawm na leh hanthot pi in nei in Zeisu ongpai kik ta ding hi cici in thugengen hi. Lungdam na thutang ko in SDA mahhi veve in kinawngkai saksak a kilangdo den keeipen Pasian' goal a langpan nasuak khadinglau huaihi.
Conference te a om na uh ah omsak lel in Mission te a om navuah omsak lel in buaipihpih in kigawmkik leh cih denkeei pen Paikhia in deih na aneih nungsang kigawm kik dingpen haksa mahmah ding a Pasian inhun asak leh kisam asak leh lampi khat honsak veve lel ding hi. Conference deih a pang te ahi leh a deihna uh a tunthei kei leh nahuh theih a hih leh lampi honsak lel in panpih lel inTuapen SDA te lungtangpuak ding ahihi. Hazat nalungsim pen paihkhiat ding ding hi a, na huh nop napan pih nop kei leh hi ci koih lel ding pen omthei lo na hi uh hiam? Thu kigen dingpen Zeisu thumah gending hi a Pasian nasem nuam a fields sung ah nasem te langpanpan se kei in Pasian deih na a om nak leh Conference khat bek tham lo mailam ah Democracy ong om ciangin nih leh thum tampi om thei laihi.
"Let's be on fire for the everlasting Gospel and the living word of God" and "feel others in your pocket" that is the true followers of Jesus Christ.
Let's be on fire for the Lord Jesus to the heathens!
Lainat na tak tawh,
Thang Zam Pau (Pauno)
NB: Sia Pauno (Fb: Sing Zaam) - Anlangh pen tu laitak Australia ah pilna sin in aom laitak ahi hi. Ih MUC pen tha apia mah mah khat leh avei mah mah khangno khat ahi hi. Ih MUC akigen siat sim in, dik asakloh na te apulak khia kik tangh tangh den ahi hi. Zomi SDA pawlpi avei khia mah mah khangno tuaidawng khat zong ahi hi. Abeisa 2004, 2005, 2006c in MMCC sangpi ah pilna sinin om ngei hi. Tu aa asinna Australia gam sang pan aman teh zong ih Pasian leh ih MUC' aa dingin lamet na tampi ihnei hi. Topa'n hong zatsak ta hen! Amen.
