Dear Laisimteng,
Hih Dal le Pr Ken kihona pan ka phawkkhak pawl khat ong hawmsawn nuam ing. Amimal kuamah cihna hi kei in mipi in lungsim-a ineih ding ka deihna hi.
Sanpya Clinic:
1. Sanpya Clinic a om lai-in akima Kawl khuate le SDA-te kizomna a naizaw deuh tawh kibang: Gentehna: Sakhangyi, Seedaw Uu pan kawlte zatolum, Dr. pan anungta Pasian khat Ekaw Buddha khat om lai cin, zatui sun kawmin Bible study piak tawh thuah(SDA-te piak dan bel hilo). Phungzi-te nangawn tua thu hilh lai--Witnessing adingin chance hoih khat hi.
Dr. Po Tawda, aciah khit ciang, adang khat kicial in, Sanpya atu ding hinapi Tahan ah tu den mawk, tua khit numei khat kumpi sung nasep ngakna in kicial leuleu. Eima sungah mi omlo ahihmanin, kizom suak zo nawnlo suak hi; SDA ministry ah Healing and preaching cin nasiatakin EGWhite in gen hi. Kawlgam SDA makai ding peuh mah in tua adingin human resource kisam ihih manin, mi ineih nading vision le planning neih sawm leng thupi ding hi. Tun SDA Kawlgam sungah asem Dr. Dura(Mrs Yan Aye le Dr. Htwe Lay bek ineih ban i behlap zo nawn kei mai hi. Behlap sawm ding thupi pen ding hi.
Education:
SDA pilna pen Kumpi a tawh kibanglo hi. Kha lam azongte adingin SDA-a hoih pen cih ding himah hi. Leitung ading azongte ading in SDA sang in ikisapteng ong pia lo hi. MUAS sang man khempeuh in SDA sungah na semlo zel-uha, apualam ah zon kul ahihmanin, apualam pilna tawh kikim pilna ineih ong kisam ci leng ikhial kei ding hi. Tua manin, ih education zong ngaihsut ong thupi mahmah hi.
Kawlgam SDA sangte enleng, Yangoon Parklane sang bel amah tawh kituak in hoih hi. Parklane sang hoihna in Toungngu, Myaungmya, Pathein, UMAS, AAS, Pyidawtha, KAS, Paangpi, TAS, Mangkhring, le Wuyan-te hoihsak tuam pah tuanlo zel ahihmanin, avekpi in Parklane tawh akikim nadingin, avekpi un Parklane a siate bang mah neih kisam ding hi. Tua neih nadingin, makaite in nakpiin geel toto ding thupi pen ding hi.
Tua banah Education cih ciangin, lai simtheihna bek ong hinawnlo-a, nuntakzia ding sinna ong hi zaw hi. English language bek pen education ong hinawnlo-a, English pen education-ii tool khat bek ong suak hi. Nuntakna ah akisamte koici ngah theih ding cih sinna pen education cih ding ong suak hi-- gamtat luheekzia puahna, mipi tawh kihosiamna, pumpi kepsiamna, nuntak nek le dawn zonna ding sinna, le kha thu zonna ading mun asuah ding ong kisam hi.
Tuate lakah nuntakna zon nading siamna iksam ihi hi.
Ih gam omzia zuin, SDA sangte in zong, laisinzia le khutsiamna lam-ah mundangte tawh ikilam dang pah hi.
SDA sang munkhatte ah, Training Heart and Hand cih lai suang uh hi. Heart lampang pen biakna ading in SDA Kawlgam sangte hoih gawp ici ding hi. Ahih hanginHand lampang ah, bang na sem thei hiam? tua na septheih na tawh nuntakna zong thei dingin Kawlgam SDA sangte in pina ong pia hiam cih ngaih sut ding thupi hi. Bang hang hiam cih leh, nidangin MUAS graduate in Pawlpi sungah nasep akipiak zawh hangin, tu hun ciangin kipia kim zo nawnlo hi.
Vacational lamsang tawh kisai subject le program behlap zawh ding thupi ding hi.
"Adventist Education is the best" cin mun dangte lai Kawlgam in ila zel hi. SDA sang tuak khempeuh ing ama adingin tua aci thei diam cih pen tu laitaka ingaihsut ding Kawlgam SDA sangte adingin alianpen tona(challenge) hi cih i ngaihsut ciat ding tawm kong hawmsawn hi.
Deihsakna tawh,
Sia Khen
Kham Khen Pau
Ratchaburikanukroh School
Thailand
--
