Lungsim sungah a
kicing Pasian hong itna i neih leh a lamdang nasep tampite kizo ding hi. Thu-um
mite’ lungsim sungah Jesu a ten leh nuntakna tui a tawntungin luang ding hi.
Ahi zongin mi dangte haksat thuakna a thudon lote pen Topa’ hanga haksat thuak
misiangthote a thudon lo mah tawh kibangin kimawhsak ding hi. Kei aading ci-a,
angsung bek ngaihsutna sanga, kha nuntakna akiamsakzaw nadang bang mah om nawn
lo hi.
A nuntakna hong pia
khia i Topa’ pumpi leh kha nuntakna a kemcing lote in nuntakna khomun leh gupkhiatna tawh kisai nuntakna tui, dawn kha
lo uh hi. Tua bang mite in a keugaw, a gah nei lo singkung tawh kibang hi.
Amaute in khalam tawh kisai mitomte hi a, a sum a paaite uh, amau nopsak nading
bekin zang uh hi. “Na vawh bangin na at ding hi.”
Chritiante’ gamtat
in a tawntungin a kimuthei dinmunah om ding hi. Lampi a tul lomin i gamtatna
kilangsak ding hi. I nuntakna sungah
Christ a om nak leh a hing tui khuk i hi hi. (R&H, Jan. 15, 1895).
Lungsim
Sungah Christ I Kiuksak Ciangin
Pasian in mihingte’
tungah neih leh lam hong piak ciangin mihingte in leitung sumte zang a, Topa
Jesu ii hong thuhilh thute a kizelh nadinga i zat ding ahi hi. Ei mihingte in
Christ i kilang sak ding hi. Tua ahih
manin ei leh ei kipahtawi ding hi lo hi. Hau ahih manin pahtawina ngah ding cih
hi lo hi.
I lungsim sung
mawhnate i siansak khit ciangin hun khat lai a ei deih bang gamta a, leitung
hauhna i lunggulhna munah Christ i sangkoih ta ding hi. I maitangah Christ
limlemel kilang hi. Nuntak sungin a siangtho nasep sem khia ta hi. Kithumaan
sakna khempeuh beimang ta hi. Tua mithak tungah Jesu in thumaanna leh sianthona
silhsak hi cih kimu thei hi. (R&H, Sept. 11, 1900).
Hazatna
Leh Lungkhauhna Zawhna
Mihaute in a
neihsate uh Pasian aadingin apta ding hi. Thumaan thutak tawh a pumpi alungsim
asiansuah khempeuh in aneihsa khempeuh Topa tung apta ding hi. Kha mangthangte
gupkhiat nasepna-ah palai hita ding hi. Amaute theihna leh limpha-ah Jesu
Khrist ii hehpihna tawh hazatna leh lungkhauhna khempeuh zawhna vang a neihna
uh lakkhia ta uh hi. Pasian aadinga a piakhia mihaupa ii neih leh lam, sum leh
paai khempeuh tungah neihsa kemsiampa cihna Pasian lim leh mel leh ciaptehna mi
dangte’ tungah lak thei ta ding hi. (R&H.Sept.19, 1893).
