HUHPA KHASIANGTHO OMPIHLOHIN
By: Pr Thang Siangh
Nungzui( Christian) ka hih buangin kicinna ka nei kei zongin Laisiangtho hilh banga zui Christian suak nuam ka hihmanin hanciam takin ka zong hi. SDA pen thugil pen ding hi, ci'n zuih dingin ka khensat hi..
Khukdinin Thungetna tawh Pasian tungah kamciam a ka nei hi." Topa aw, Reformer te cih bangin, ( Laisiangtho sung bekmah: the Bible and Bible only,) tawh kalsuan nungzui hong hi sak in! " ci-in ka ki aap hi.
Leviticus 11: leh Deutronomy 15: sungah, neek ding a Siang leh a sianglo ka mu hi. Laisiangtho in a gen nung sangin sang pah ning ka ci hi. kammal tawh a kipulak lo, an nam zong ahi lo, kham theih gu, zu, zana, bing , kanza cihte zong khensat ong hi pah hi.
Nektheih hi napi-a, Laisiangtho sunga kipulak lo khempeuh, ei pumpi cidamna zui-a tan dingin ka khensat hi. Tua banga ka khensat simin Pasian tawh kamciam ka bawl hamtang hi.
Topa aw; Leitung mipil ahi philosopher te Leh mihaute huzap in ka tuk khak lohna dingin hong huh in, ka I hi. Ka kidalna dingin Khasiangtho pilna hong pia in, ci-in ka ngen hi. kua kua pau tase leh tu dongin,Laisiangtho sunga kipulak a kikham ante peuhmah ka sukha kei hi.
Thanemna namkim kinei ciat ahi zongin mittang a muh theih palsatna kidop huai hi. Muhtheihloh thanemna pen mihingte in ki kham thei lo hi. Nek theih, nek loh theih, lawntheih lawnloh theih te pen ei kikep theih thu ahi hi. Topa in hong huh hen. Thanemna hanga palsatna sangin lungsim sung ngaihsutna thupi sa zaw hi.
Hebrews 4: sung ka sim ciangin, tawlngakni thu ka mu leu leu hi. " Topa a tawlngak "bangin ci sese ahihmanin, bang ni gen nuam hi ding, ci'n ka zong leu leu hi. Genesis cik,mah a ka lem ngei loh lemin ka sim hi. Na om takpi-a ka ling kauhkauh a, lau buang nuam buangin, laibu khupin ka ngaihsun hi. Moses in mualtung panin Thukham 10 a lak Thukham 4 na ah khauh takin thu na pia leu leu ka mu hi.
Hih thute pen kei deih thu tawh kisai kei, pomloh phamawh ci'n Topa tungah tha ka la hi.( My grace is sufficient for you ) Zeisu in Paul a thapiakna ka bengkha-ah ka za hi. Keimah ka Thanem ahi zongin Sabbath neipa tawh kizom kahihmanin ka angtang mahmah hi.
Leitungmite pen Ih sih dongs mawhna ki zongte Ih hi hi. Zeisu leu leu a sih donga hong honkhiapa ahi hi. Thanem mahmah tale hang tawp nuam kei peuh leng, kipuah phatna hun om zel hi.
Gupna ngah na dingin Pawlpi ka zong zong hi. Pawlpi denomination za tampi a tul in Kisim thei dong na om khong hi. Denomination minte Ngaih thei mahmah hi. Pawlpi denomination min tawh gupna hong kipia hileh Church of God, Church of Christ cihte hoih Kasa mah mah hi.
Kabeng kha-ah Topa Zeisu in, " Ye shall know the truth, for the truth shall make you free. " acih awging kaza hi. Thuman khempeuh kikaihkhopna mun SDA Pawlpi thuhilhna a neng a tawng in kasim suk leu leu hi. Denomination thupi zaw maw, thumanthutak cih ka ngaihsun leu leu hi. Thuman thu tak loin denomination pen a mawkna hi, ci-in ka khensat hi.
Leitung MIhing hih laiteng Pawlpi perfect ngei lo ding hi. Makaite zong puapial thei ding hi. Tua ahihmanin hong len dingin policy Kho Kisam hi, ci,n ka ngaihsun hi. SDA policy pen hoih Kasa mahmah hi. Ahi zongin, Zeisu tawh tonkhawm loin, Tua policy pen a lau huai mahmah khat ahi hi.
Zeisu neilo Muslimte, Regimes kumpi ahi Socialist Democracy ki ukna Leitungah a Lauhuai pen ki ukna hi hi zel hi.Kawlgam pen Socialist tawh hong kalsuan ciangin, Mipi luphong zo loin opcip sak hi. Nuntakna tan lawh tam mahmah hi.
SDA GC khut sungah member tawh direct ki sukha pen, Union / Local conference leh unionmission local mission administration te ahi uh hi. . Tua ten policy len loin Pawlpi hong uk ciangin, thu-um mite in thuak haksa mahmah hi. Zeisu tawh tonkhawm lo administrator pen anti-Christ kha in zat nuam sa mahmah hi. Union khempeuh Hilo hi. Zeisu a tutna awn lo admin te bek ahi hi. Kilemna ding geel ngeilo ding uh hi. Leitungah power neih nuam mahmah a, a khahsuah nuam om lo hi.
