SDA in kamsang hi ci-in ih pom E GWhite laibu ka nak sim mahmah hi.Dangtak laitak tui vot dawn bang kasa hi. Simsim leng ki-uk teteka Laisiangtho tawh kop loin ki-om thei lo hi. A um nai lote a dingin tel hak ahihmanin, hong hilh siate in kimtakin hong hilh ding hoih hi.
E.g: Sa nete vantung tung lo ding, cih pah mawk ciangin , theihna kicing lote buai pah hi. Mizawng gam a hilh dan ding om a, a hau gamah hilh dan ding om hi. Vitamine Kisam lua a, si dek tak kimlai sathau, bawng nawi tam lua ne ken, aktui tamlua ne kei un, lau huai hi, ci le hang sihna ding lamah tawsawn kisuak ding hi.
Paul in Timothy dam lohna tawh kisai, lenggahzu tawmtawm ne in, a cih pen mi tampi in zang khial hi. Amah Mimal tawh kisai hi bek hi. Mimal a ding hilhna om a, taangpi ading hilhna om hi. Mihau gam leh Mizawng gam ading om hi. Mi dam leh dam lote zat ding dei dimdiamin theih huai thu kicing in om hi. Amun leh a hun zui a gen ding hilh ding ahi hi. Thupi lo a bat hangin gen khial le hang, mi tampi in gupna nangawn taan lawh ding hi.
Simsim zo hi le hang nuam tetek, khum tetek zaw hi. Pawlpi danga thugen minthang te kantel leng, Spirit of Prophecy nak sim mahmah te hi hamtang hi. Khalam thuhilh siate in nak kan mahmah uh hi. Ei a nei masate zat dan siam ding bek kisam hi. A sang thei sunsun khalam dinmun a sangin ki ngaihsuna, lawmte kikawk tuk pah pah hi. Amaute khuavak Muhna hong khang sem sem semin paster, reverence tampi sa ne lo, soda nangawn a dawn lo, tampi om hi.
Temperence Ih hoih hangin khalam dinmun sang pah lo hi. Hitlar zong sa ne lo hi. Mi nuntakna tam a that peen hi. Temperence hoih pen Christian hoihna nam khat hi a kicinna hi pah lo hi. Gupna sung zong hong tun pah hi lo hi. Christ Zeisu nei kawmna-in neek leh dawn kikhalhna hanciam zo leng Christian picing kisuak zo bek ding hi.
Nuntakna dingin sim ni. Langlek sak lua kei ni. Khuavak muhna suak sakin ki-elna mawh zonna lamah zang kei ni. Laisiangtho telna ding hiam hoih pen ahi hi. Nuntakna dingin Topa in MIT hong vak sak hen.
