1. SDA Upna Neukha zong khahsuah lo hi.
Pawlpi identity ahi Logo thupi seh mahmah hi.. Thong kiat pih dongin priority pia hi. Myanmar Union khutzat (hammer ) te in, " bang hangin logo zangci-in thukhenzum ( court ) tun uh hi. C status deih hibek a, pawl tuam phuang lo ahihna, a khut sikkol kibulh dongin tetipanna nei hi.
2. SDA in idinpih ahi Laisiangtho thuman khempeuh khahsuah loin, pulpit tung leh sangpi te ah hilh tawntung hi. MUC sang tuak khempeuh SDA thuman tawh khauh taka dingte ahi uh hi. Union Mission sangnaupangte tawh, physical mentle, spiritual kilamdang lo uh hi. Hoih zaw tawh kibang Lai hi.
3. Vantungmi 3 tangkona bulphuh tawntung hi. SDA minister ka sep a kipan hih tawntung Lungdamnathu ah kipum piak ka hi hi. SDA Upna sungah Tawntung Lungdamnathu thu ahi, vantungmi3 tangkona sanga ka thupi seh zawk om lo hi. MUC in zong nasia takin Pom hi.
4. Spirit of Prophesy nak sin mahmah uh hi. Daniel & Revelation bulphuhin Laisiangtho Thuthuk khempeuh sin uh hi. Rev 12: 14...
5. SDA Upna thumeilet khempeuh pen pilna sangte thubulpi -in nei uh hi.
Pawlpi pen administration policy tawh ki-uk ahihmanin reformation kinei tawntung hi. Tua policy a sih matengin zat ding ahi hi.
CONFERENCE MAKAI PU TAKTAK.
1987 Conference movement Ih kipat ciangin,nDivision makaihna tung tawn in Legal filing kihilh hi. Tua hun a kipan a case nung zuih ding Sia Kai Za dal simloh kuamah dang om lo hi. A hun cin simin Div tawh a kimu den Sia Dal bek ahi hi. C leh M min tawh Ih kikap kap ciangin zong kumpi zum, mission officer mai-ah kikham tawntung pen Sia Dal ahi hi.
Haksatna tuah simin manman a GC report a pia Sia K Z Dal mah ahi hi. Hamphatna ding a om zongin hazat huai Kasa kei hi, kuamah in zong haza ngamin ka um kei hi.
Movement khat peuh a om ciangin mungtup kinei masa hi. Tua mungtup matun loin aituam buaina namkim pua koih tawntung ding Kisam hi. Pilna nei mi tampi Ih deih hi. Pilna neite a hun a tun ciangin val ngeilo ding uh hi.
Mihing in lungsim puak khat ciat kinei a, sawm ih phak leh ngaihsutna sawm mah ahi hi. Tuapen society tawh ih om ciangin, ih mungtup ( common goal ) pen priority piak kul leu leu hi. Tua goal pen position Hilo a Conference Status ahi hi.
Sia KZDal support ka piak pen ama mungtup a pia ka hi hi.
MUC SDA maw ZOMI ADVENTIST
Kikhoppi neih simin, Kawlgam bup Minam Laam tawh kihong den hi. Tuapen ngeina hoih banah ngimna khat peuh symbolic hoih mahmah hidingin ka um hi.
Zomi aading bek ngim loin Upper Myanmar buppi aading C ngetna kinei hi. Upper Myanmar sungah Minam tuamtuam Kim phial hi. C meeting neih ciangin, Rakhine gam pan Kachin gam pan hong kihel tawntung hi.
Tua ahihmanin MUC SDA pen zai zaw ahihmanin a hong pawm Minam tuamtuam a dingin Lungkim huai hi. Khalam picing huai zaw hi.
ZOMI ADVENTIST pen tawm huam zaw a, Ih target scope focus hong toi mahmah hi. US gamah kikaihkhopna ding ciang ah, hoih lel hi. Ei Kawlgam omlai te pen missionary Kipawlna suak a, Pasiangam zai sak ding ngimna ahih ciangin, a zai tak a ngaihsut kul hi.
Ahi zongin, Kipawlna min pen a hun zui-in Puah theih laih theih hi a, lungsim kikaakna ding dongin thupi lo hi.
BANG HANGIN KUMPI TUNGAH REGISTRATION KIBAWL.
Mission in C hong suksiatna dingin, sumgolh ( bribe ) zangin kumpi tawh kop in hong vaat uh tak ciangin, C ten zong legally self defend sep kul hi. Kumpi theih pih Kipawlna Organization min khat neih loh phamawh hong suak hi.
Tua omloin hong gal neih mission lamte in hong phialvat nuam ahi hi. Ih movement paizia tung tawnin min guan loh phamawh ahihmanin MUC Ci uh hih tuak hi. Ei sungah zong a melsel a, chance a pang khinkhiante om kha leh zong security hi kawikawi ahih ciangin ki khial lo ding ci hi kha ding hi.
Hong langpang te in, lam tampi zang uh hi. Kumpi power zang hi. Pawlpi Administration power zang hi. Bribes zang hi. Ei leh ei hong taltuah hi. Sum leh opportunities tuamtuam zang hi. Zaa deih te za pia hi. Tun zong hong zanglai ding hi, Kidawm ciat ni. Ei lam panin sihsan kician neih ding Kisam hi.
SDA cih ciang tawh, om khinta ahihmanin piang lo hi. MUC pen mission in nei naillo ahih ciangin a piang thei pen hidingin ka um hi. Mailam sang kalsuan dan ding thute ah President leh a sep pih full committee nei hanga Amau phul khak tung tawnin hong zunzun lel in ka um hi.
Kuamah patau kei un. MIPIL TAMPI EI SUNGAH OM KHIN HI. Siapi Kai za Dal bang zong, tu a, a phul khak experience teng tawh Docter degree piak tak Cing hi. A Kam kup pih ding Dr Gin Lian Mung zong om hi..Ssia Kam mung zong kumpi degree mah tawh a semsem ahi hi.
Ei Pawlpi sang zong degree ngah tampi tuak khin hi. Ih Pawlpi run zo mahmah ding hita hi. Ih Lungdamnathu thupuak khahsuah kei ni. HANGTAKIN DING NI. Tuihualnen kei in. Zeisu mitsuan in.
MAKAI TEELNA TAWH KISAI
Organization khat a om ciangin, kiteel a zong hong kizui tawntung hi. SDA Pawlpi in policy kip mahmah kinei hi. Tua ngeina zui-in kiteel hi. ELECTION committee in policy kiptakin a let ding Kisam hi. Policy lamlahna zui-in, member deihna tawh kizawi tawn thei pen dingin ngaihsut ding kul hi.
Ahita zongin, Panmun pen a ut khempeuh aading mun kicing lo hi. ABility zui-in committee in ngaihsut kul hi. Ngeina mantakin kizui kiteel a ahih nak leh, kua kua a phun zongin Mipi tel ahihmanin candidate kiteel a,a ngah Panmun pen a haza a om zongin kisuan nading om lo pah lel hi. Pawlpi Masuan khempeuh sep ngiat ngiat ding bek ahi hi. Mipi delegate te deih Ahih nung sangin ki suang lo takin Pawlpi Khantohna nading ngaihsun in sem lel ding ahi hi.
MIhing pen kidem, minsiatna ding zon zawh thu a Kizong ahi hi. A dem zawhlohte pen midangte muan zawhloh dongin hong dai sak masa ding uh hi. Pasian tapa Zeisu zong Singlamteh tung Khai ding dongin mawhna Kizong hi..
Myanmar Union makaihna sungah Bangthu teng om Hiam? Ei kianga Buaina tawh Tehkak ding zong Hilo hi. TUA bang makaite mah hong pai ciangin, Zopuan khuhin, pak ok sakin, laamsum pempam buang hitangh. TUA BANGTENG MAH MAH PAKTA ZAWLAI HI HANGH.
MInam it I kicin ngak hak hangin, KINEU seh hi hang. Midangte ciangin letsong kipuak in , ei ciangin KIHEEKIN zakiatna dongin kisu mawk hi hang. Tua te thu neu Hilo hi. Kipuah phat huai hi.
Hong susia nuamte hong el elte mun awn lecin hong nuai sia pah ding hi. Ama ngah dinga ki.lawm panmun zong hei khiat sak kei in. INNKUAN LUNGSIM, SANGGAM LUNGSIM OM LOIN, ANGSUNG LUA ZEL LEENG PAWLPI KHANGTO LO DING HI. KHALAM VAI NAWN LO DING HI.
GC or UNION mah bangin term ciang tan huai mah mah hi. Kum4 sim mahin kiteel leng hoih hi. Tua banah, KHANGNO thahat laite masuan a khak thei effective nawnlo kum 65 tungsiah retire piak huai hi. TUA IN ZONG. BUAINA TAMPI SOLVE PAH DING HI.
MUC pen koimun koimun pan hong piang ta leh, kaka Sisan sungah teng lua khin ahihmanin gen loin ka om thei kei hi. KA HAILAWH PHIAL A, ZONG A SIHPIH NGAM KA HI HI. MAKAITE IN HONG TELSIAM UN.
