Leitung bupah Minamitna
Lungsim
1940 kumte-a India le
Indonesia suahtakna angahsak nam itna lungsim mah Africa le Caribbean ah 1950 in
ongkhang hi. 1957 in gamtak lomte lakah Ghana zong leitung politic council ah
khatin ong dawk hi. Pawlpi in hun kikheelte pelh thei tuanlo hi. Sau veipi
nenniam thuakte in amau nuntakna le kipawlnate ah thunei-a a makaih ding hun
hita cih ngaihsun uh hi. Pawlpi zong tua bang mahin ngaihsun hi.
Adventist makaite in
Rhodesia, Nigeria, le Jamaicate-ah makai-a pang ding siamsinsa tualsuak mi
tampi a om theih nadingin a hithei zahin sangte lamsang mengmeng uh hi. 1958 in
“Solusi sanglui” ah tan 10 khit ciangin biakna le education kum 4 sinsakna pan
uh hi. Akum kik ciangin mi 7 tawh ministerial kipan hi. Tua pen West Africa
adingin Nigeria-a Adventist Seminary ong suak hi. Tua hun mahin Inter-America-a
West Indies College ah ministerial lam a zai le a sawt zaw-in sinsak kipan uh
hi.
African SDA lakah
tualsuak makai panmun len a khan nadingin apan masa pen Robert H. Pierson ahi
hi. Inter-America le Southern Asia ah kum tampi asepnate panin, African
tualsuak micitakte tungah makaih panmun zaizaw piak ding kisamta ahihna
phawkpah lek uh hi. Nasem khangnote Solusi College pan
ministerial sin-in pattah nading hun ngak-a tuantual saklai ding hi
thei nawnlo hi. Tua manin grammar-school ciang bek pilna nei ahamkhinsa sia 200
dong sawlin buainate ah makaihzia sin dingin kumsim-in kha khat pan kha 9 dong
Solusi ah sangkah sak uh hi.
1966 in leitung pen tuama
kum 20 lai tawh nasia takin ong kilam dang hi—suahtakna ngah gam ong tam semsem
hi. Leitung mi bup-ii 98.5% pen suahtakna ngah gamte ah teng uh hi.
GC Secretary W. R. Beach
in “hih a nikhan suahtak ngah gamte in leitung bup nasep dan tampi kikheel sak
hi, ci hi. Tua kikheelna nungdelh-a nasep zawh nading hanciam nateng in
tualsuak makai tampi khangsak hi, ci hi. Beach in bel a huampi-in a et ciangin
tua banga kikheelna pen ahoih zaw dinga piang ahi hi, ci’n mu hi. Ahizongin
muhna toiluat ding deihlo-a, hibanga piang zelzul kikheelna zong Pasian deihna
mah hi ding hi, tua banga a munmuna ah tualsuakte in na asep cianin ih SDA
movement pen mite in amau mun ciat-ah na sannop na sazaw ding uh ahi hi, ci
hi.(Movement= SDA masa pioneer-te in SDA pen “Pawlpi” cih ding sangin
nasepna bulphuh zaw-in movement cih ding deihzaw uh hi. Ahang pen lungdam thu
puak a nasep ding masuan bek tawh Adventist adding hia, pawlpi kip dangte bang
dingin lunggulh lo uh hi. (Tua manin Andrews University ah SDA Church History
professor ahi ngei Dr. George Knight in, Search For Identity cih alaibu sungah,
tu laitak ipawlpi pioneerte in ong mu leh Amau pat Adventist zong san awn ken
teh, ci liang hi—KK)
Na Sem Khawm
Beach gen zawh kum 10
ciangin Adventist makaite in Division kim-ah tualsuak makaite ma
apanciangin, hih nasepna pen leitungbup nasep khawmna mun ahih zia
ong telmuh zaw kan lai uh hi. Minam tuam, ngeina le siamna tuamtek pan nasemte
in evangelish nasepzia athakthak-in kihawm sawn thei uha, nasepna tha hat
semsem hi--Minam tuamtuam a pankhop ciangin phattuamna tampi om hi.
Africa, India, le Indonesia-te ah, nam lungsim thuklut lua ahih manin, amau le
amau sangin American, Australia mi le Filippino-te peuh muang baih zaw uh hi.
Hih in makaite adingin
meltheih nam kibat pihte bek sum le panmun piak nopna(nepotism) lungsim dalna
olsak hi. Tua hangin conference le zato a sumkem pawlkhat in gamdangah nasem
nuam zaw uh hi. A khangto nailo gam tampite in ahih leh inngua hahlo-a gamgua
va hah masak ding deihlo uh hi. Gamsung siate gam dang sangte ah pantah-in
domkang ding thupi zaw hi, cih ngaihsun uh hi.
Kum sim-in 20 lomlom-in
USA, Great Britain, Australia, le Philippine-te ah akipauk tei hangin, tampi
paisak ding cih, hih atunga ngaihsutna pen athupi mahmah zawkan khatin om lai
veve ding ahi hi. Pawl khat in mun nuam ah omsuak uh hi. Tua manin khuatual ah
nasem ding pilna nei Adventist bei hi.
Tua manin 1975 dong tua
bang hi-a, Spain pau zang mite lakah nasep nadingin Montemorelost, Mexico ah
zato lam sinna sang anihna kipan hi.Adventist missionary hun bei nailo ahih
manin zalom 20 beikuan nasep dan athak kisam hi. 1976 in Nigerian Union
president Sievert Gustavsson in, “Tu hun-a kiam missionary ding pen tualsuakte
tunga to ahidingte kisamlo-a, tualsuak nasemte huh le panpih dinga kuankhiate
bek kisam hi,” ci hi. Afro-American(America-mivomte)te in amunmun-ah
conference-in ong din ciangin Adventist nasepna ong khantoh mah banin, nidanga
colony gamte ah zong tualsuakte makaina tawh ong khang hi.
1970 in Agrica mivom
lakah conference masa pen Ghana Congerence bupah tualsuakte vive hi-uha, J. K
Amoah pen president masa pen ahi hi. Kum sawtlo sungin sawm-a khat azah 2
khanga, pawlpi mi 45 % phial khangto(increased) hi. 1960
pan leitungbup Adventist tawh kizomlo-in atang om hangin tualsuak makaite
makaihna tawh Kawlgam pawlpi zong kipsuak-a khanbeh(grow) hi. 1970 pan gamdang
mi in Kawlgam sugah nasep theil uha, tualsuak siate zong meeting kah dingin
gampua pai theilo hi. Hiphial taleh pawlpi mi pen 1966 pan 170 sugnin tuama kum
4 sangin 52% tamzaw(52 % greater than) hi.
(Africa-a Ghana
Conference khantohna agen ciangin laigelhpa in “increased” zang hi.
Kawlgam agen ciangin “grow” le “greater than” cih zangin kum
tomno khat sungbek saikakna in gen hi. Missiologist-te kammal zatzia ah
“increase” le “grow” pen kilamdang mahmah hi: amasa pen kibehlapin khangto
cihna hi-a, anihna pe, piangpung ciang genna-in tamzat uh hi. Kawlgam pen
deihzah hilo cihna hi. KK)
Thukhupna:
1. Gamthak
mission field ah tualsuak nasem percentage a tam semsemna ahang pen sum hamsat
hang ahi hi: tualsuak nasemte pen, a diakin United States pan ong pai nasemte-a
tawh tehna-in, khasum tawm zaw tawh kicial thei hi.
2. Tua
ban-ah, tualsuak siate in amau ngeina sungah nasepzia ding telzaw uh-a, pau
leham haksatna omlo-in nasep baihlam sak zaw hi. Gentehnain: India ah American
evangelist-te in amau gam dan zuiin, effort bawl ding ciangin tangkona in
sumtampi zang uh hi. Ahih hangin, bangmah bei selo-a, mimal hanciamna bek a
masuan khuano te a effort bawl tualsuak siate lawh cin zah zong ban ngeilo uh
hi. (Khamtungah: Pr A E Anderson, Pr. Bawdee, Pr. Aye Maung, Sia Keith Mann
cihte sangin Sia Ngul Khaw Pau muibun za-a gammial nawkin gahpha zaw hi.)
3. Akhang
thak gam thumna mite in amau minamte nasepna zuih baihsak zawkna nei uh cih
kimu thei hi. Ahang pen, mun tampi-ah biakna sem gamdang mite pen “gam liante
khutzat” in mipi muanmawhna om hi. Kitelna tawh makai dinmun a pang tualsuak
siate sepsiamna kimuhkhiatna in midangte hanciam sak-a, gamdang mi nasemte
sangin tualsuakte in nasep geelnate kiplet thei zaw uh hi.
4. Leitung
mun tuamtuam ah nasem siam tualsuak mi a tam semsemna in, hunkhat lai-a North
American bek le Europe mi2 le 3, Austratlia-mi, Khanglam
Africa bek omna, GC zumpi pen leitung minamkim omna mun ong suak ta
hi. 1975 GC khit-in zong GC Department pawlkhat-ah gamdang-a sawtpi
a semngei associate director le USA pua pan ong pai nasem mi omlo zah ahi hi.
1975 GC vice-president 7
kiteelte lak-ah 4 pen NAD pualam Brazil, Norway, South Africa le West Indies
pan ahi uh hi.
Gamitna le minam kihuatna
pen kum zalom 20 nununglam kum 50 sungin leitung-ii meelpuakzia maitang lim
khat suak hi. Tua pen Adventist in awlmawh lo-in a om theihloh mah bangin zong
kizawhthawh sak gawp thei tuanlo hi. Amau kipawlna in tua banga piang buainate
lem theitoto zel uh ahihmanin, minam zui-in pawlpi tuan ding a kitma cihbang
omlo bek thamlo-in, kipumkhatna tawh vantung mi thum thupuak ahatzaw kan dingin
tangko thei dingin zomto thei zawtham uh hi.
