Mivomte ngetna zui-in 1969 Autumn
Council in black unions vai khempeuh a kantel dingin Vom-le-Kaang
Committeebiracial committee) phuan hi. Tua zawh kha tam simsim dong
hih committee in kikupna nei den uh hi. Tua sung pan sum-le-paai vai akan
subcommittee in sum le paai vai muanhuai ta hi, cih report a piak hangin, tua
committee sunga kihel mivom pawlkhat in union tuam din ding pen pawlpi
ki-tapkhapna dinga kikhenkhapna(separationist, self-segregating trend) in
ngaihsun uha, union tuam(separate unions) neih ding deihlo uh hi.
Black Union Kankuatna le Hehnepna:
Tua banga a ngaihsunte adingin
Oakwood College president Frank Hale, in lampi dangkhat anuai-a bangin pulaak
hi:--
(1) A omsa unionte in mivom member
tawh kituakin officers(president, secretary, treasurer) ding le committee le
board member dingin mivom siate guang uh hen; (2) Mikaang
biakinnte ah zong mivom siate thuhilh dingin kisawl hen; (3) Minam
kipawlna vai-a khensatna a zuilo pawlpite conference in sumpi huhna khaktan sak
hen, (4) Pawlpi nasapna phual(institutions)sang le zato-te ah
a vom akaang in a kibangin septheihna nei hen, (5) Pawl sungah
mivom khangnote in nasep a ngah theih nading le pattahna-in mivom sangnaupangte
ading Pawlpi in fund US $ 5,500,000(tan 5.5) sehsak hen. (6)Tua sum
pan-a a khang tawh khuapi-khuuk(inner-city) sunga teng mivomte adingin effort
kibawlna hen, cih teng pulaak hi.
Black union vai kinialna nasia semsem
hi. Tua manin 1970 Spring Council ma dong hih thu khensat loh-in diahto uh
hi. Tua laitak-in, The Association of Adventist Forums in black union a
langpante ngaihsutnateng taangko na-in “Spectrum” magazine ah suaksak uh hi.
Atawpna-ah, tua committee in 3-2 me tawh mivom separate unions vai kankuat uh
hi. Mitampi lungkiat ding a dalna-in, tua Spring Council in, Oakwood College
president Hale pulaak thuteng vote tawh kipsak uh hi.(Jones, laimai
131-137; J. Justiss, Angels in Ebony, 1975 laimai 147-149; Spectrum
II(Spring 1970).
Adventist Mivom khempeuh in hih khensatna
lungkim lo uh hi. Tua manin, 1970 kum Atlantic City, New Yersey-a GC
Sesson(Khawmpi) ah lungkimlohna san-dah piah dingin tawng uh hi. A maizumhuai
kitalsikna a pelh nadingun, pawlpi makaite in sep khialhna teng
puahphatna-in(reparation) “Declaration on Human Relation” cih
mipi tungah Pulaakna nei-uh hi. Tua Thupulaakna sungah, “SDA pawlpi in
Christian ki-tina le sanggamna” kiplet dinga, “nam deidanna le kigimneihna pen
mawhna khatin seh hi”. “Tam veipi” pawlpi le pawlpi mite in sanggam banga ki-it
nading-ah Christian diktakte nuntka zia-in kalsuan lo kha uh hi. SDA pen
“leitung mite’ etteh ding dinmun ah a om ding uh ahi hi. SDA pawlpi sung a lut
ding peuhmah tungah SDA in mi khempeuh liangko kikim hi, cih a pomna kihilhcian
masa ding hi. Kipawlkhopna le biakpiakna-ah kideidanna peuhmah khuatual pawlpi
kuamah in zang theilo ding hi,” ci’n thu pulaak-uh hi.
Inner-City Evangelsm
Tua zawh kum 5 dong GC in khuapi
sunga Evangelism a dingin US $ 2,000,000 pia khia hi. STOP kici Society for
Training People in Trouble (Dongtuak-te Domkang Kipawlna) program khat pan khia
uh hi. Hih kipawlna in thongkia khangnote lungsim puahphat nadingin a pantah
ding Adventist pawlpi mite siam sin sak hi.
1975 ciangin, pawlpi sungah nam
deidanna le kigimneihna(prejudice) hanga buainate a bei siang loh hangin, kum
30 sungin nakpi-in bei ahihna kimu thei hi. Khawk conference-te(regional
conferences) tampi sung thamlo-in, North American Adventist union level-te le
sang kim phial ah talen nei mivom makaite in panmun ong ngah thei ta uh hi.
1944 kum lai dinmun tawh saikak le’ng, a member phazah tawh kituak(if not truly
proportional) ahih nailoh hangin, tua kum(1944) lai-a ngaihsut ngam-zawhloh
ding zahin, SDA panmunte sungah, tu-in mivom tampi kihel ta hi(Letter
from R. H Pierson, October 26, 1977; Review, May 28, 1954. Mai 86).
Reference:
R. W. Shwarz, “Light Bearers to the Ramnant: Denominational
History Textbook for SDA College Classes,” (prepared by the Department of
Education of GC of SDA, Idaho: Pacific Press, 1979). Pp. 564-578.
Chapter 34 The Rise of Indigenous and Ethnic Leadership
Prospectives from
Retrospectives: Lessons for
Today from the past of our Church story:
Hih ipawlpi
tangthu nasim ciangin mai lam ading bang lesson-teng na la thei hiam?
Deihsakna tawh,
Sia Khen
Kham Khen Pau
Ratchaburi
