Mivom College Accredit Piakna(Black College
Accredited)
Amun mun-ah Mivom conference a dinma
pekin GC le Oakwood college administration-te in Oakwood college pen senior
collge acin nadingin a hanciamsa uh ahi hi. 1943 in board in senior collge
dingin vote uh hi. 1945 in a masa pen BA degree pia uh hi. Ahihhangin sangsia
le vanzat-te a picin nading cih paulap-in kum accredit piak ding 20 dektah
sawtto sak lai uh-a, 1964 in Southern Association of Colleges and Schools pan
full accreditation ngahsak pan uh hi.
Pawlsung mihon
kikaihkhopnate- ah mivom Advantist-te pen mikang lak-ah kihel hamsa
ahihmanin, Lake Region Conference in Michigan nitumna-khanglam ah, camp meeting
le khangno camp mun ding leituang acre 129 lei uh hi. Pennsylvania State-a
mivom Allegheny Conference in zong camp meeting le khangno camp mun ding in
Pine Gorge Farm kici mun acre 575 na ngah uh hi. A kumkik ciang,
1946 ciangin North American bup-a mivom tan 10 sang boarding school(academy
masa pen hih mun-ah kipan uh hi.
Amau mun ciat-ah(regional) mivom
Adventist conference a om ciangin, Pawlpi sung thu khensatna thunei Local,
union le sang committee-te ah mivomte in huzap ong neitoto thei uh hi. 1950
nunung lam le 1960 huam kipat lamte-in GC Headquater zumpi dongah ong omto zo
uh hi.
1951 ma-in GC zumpi ah G. E Peters
kici mivom khat bek om a, Colored Department ah secretary (adwin-zie-mue) ahi
hi. 1951 kumin tua mivom department pen khan uha, Calvin Moseley guan beh uh
hi—amautegel pen Field secretary of General Conference ci uh hi.
Sanggamhihna(Brotherhood)
Tua ciangin mivom maitang thak tampi
SDA leitungbup HQ zumpi-ah ong ki mu thei ta hi. 1954 in mivom Earl E.
Cleveland pen Ministerial Association ah Associate Secretary in koih uh hi. Kum
5 khit ciangin O. A. Troy pen Sabbath School Dept. ah Associate secretary ong
suak hi. 1962 GC Session ah Frank L. Petersons pen general vice-president of
the worlwide orgnzation ah khat in hel uh hi. Tua pen Afro-American(mivomte)
ngah panmun lakah amsa bel panmun asang pen ahi hi.
1960 in GC ah mivom 6 om zo pah hi.
Union pawlkhat-te in zong departmental secretary dingin mivomte zong tel ta uh
hi.
Adventist mivomte in mikaangte tawh
liangko kikim dinmun angah nadingin a hanciamnate uh pen, 1950 le 60 huam sunga
civil right le “black power” movement huzapna pan ahi hi. Thamlo in
tua bang a pian nadingin mikaangte in zong a sanggam(mivomte) tungah sanggam
bangin na gamta lo uh ahihman zong ahi hi.
(Black Power movement cih
pen Naingnganzi (political slogan) saungpoh ahi hi. Tua pen 1960-70 gual sunga
USA gamsunga Afro-american mivomte political movement khat ahi hi. Minam
nenniamna pan a kidal nading uha, ngiimna ahi hi. Mivomte
in self-sufficiency kici amau le amau din theih nadingin amau ngeina
kemcing theih nading, pilna sang ahon theih nading, siamna tuamtuam le sumzonna
ah akipattah theih nading uh ahanciamna uh ahi hi. )
1961 Autumn Council in Kaang-le-Vom
gawm committee(biracial committee) bawh hi. Tua in
pawlsungah minam deidanna khaktan theih nading khensatna thu khung uh hi. 1965
in GC Committee in ”pawlpi mi hihna le pawlpisung panmun khempeuh, aniam-asang
cih omlo-in, let nading tawh kisai thute-ah, (membership and office in all
churches and on all levels) quality anei peuhpeuh minam deidan lo ding hi.
Adventist zato-te le sangte ahih keileh zato lutna le sanglutnate-ah nam
deidanna kipom nawnlo(condemned) hi,” cih khensatna bawl uh hi.(F.l.
Jones, “The Black Man and the Church in America” unpublished MS 1976, laimai
127, 128; “Review,” June 22, 1966. Laimai 13; “SDA Encyclopedia “,
laimai 1196)
Khensatna le sepnate ataktak ciangin
kituaklo zel hi. SDA sangte le pawlpite ah mivom Adventist-te ki
welcome pah tuanlo zel hi. North American Division ah khensatna
neithei(decision-making) union president munte ah mivomte koih nuam tuanlo uh
ahihlam mivom makai siate in mu uh hi. 1969 kum Mivom SDA nambup kikhopna
khat-ah mivom SDA siate in Local conference-te kigawm-in union in idin ding
hunta hi, hih in mivom makaite adingin mivomte lakah nasep masuan lianin zaisak
zaw dinghi. Thamlo-in, tua bang hileh, Afro-American(mivom) lakah Adventism
maitang mialsaklo-in a taangsak I suak zaw kan lai ding hi, ci uh hi. Tua
pan in Mivom Union(black unions) din theih nading lampi a zong dingin GC Autumn
Council ah ngen uh hi.
Reference:
R. W. Shwarz, “Light Bearers to the
Ramnant: Denominational History Textbook for SDA College Classes,”
(prepared by the Department of Education of GC of SDA, Idaho: Pacific Press,
1979). Pp. 564-578. Chapter 34 The Rise of Indigenous and
Ethnic Leadership
Deihsakna tawh,
Sia Khen
Kham Khen Pau
Ratchaburi
