LESSON 5 * October 25 - 31
ITNA LE THUKHAM
______________________________
SABBATH NITAK
KAMNGAH:Bang hang hiam cihleh hehpihna lungsim a neilote' tungah Pasian in thu a khen ciangin
TU KAAL SUNG SIM DING: James 2: 1 13; Mark 2: 16; Siam. 19: 17, 18; Rom. 13: 8 -10; Jn. 12: 48.
KAMNGAH: Bang hang hiam cihleh hehpihna lungsim a neilote' tungah Pasian in thu a khen
ciangin hehpih lo ding a, hehpihna lungsim a neite' tungah Pasian in thu a khen ciangin a
hehpihna in zozaw ding hi. James 2: 13.
Samaritan mi hoihpa, Jesuh thugentehna i theihsa ciat hi. Bangci ciang na nuntakpih hiam? Jerusalem panin Jericho paina lampi ah khualzin mi khat liamna nei, huhna kisamin om hi. Siampipa in mu masa hi. Tua khit ciang, Levi mi khat in mu hi. Anih un paisan uh hi. Amau sep ding khempeuh a sep loh uh om lo hi. Ahi zongin hih laimun ah huhna kisam mi khat huh ding cih pen amau masuan dingin ngaihsun lo uh hi. A sawt ciangin Samaritan mi khat hong pai-in, liamna nei pa hehpih ahih manin, a liamma tuamsakin, zinbuk ah ap-in a kisam bangbang piaksak hi (Lk. 10: 30 37).
Khrih in nuntak tawntungna thu tawh kisai thukham hilh siapa dotna a dawn nadingin, hanciam lai in, sem lai, zui lai in, ci-in gen lo-in, hih thu tawh dawng hi.Itna in a kimu thei gamtatna hi, cih thu hong lak hi. Lauhuai ta leh, koi bang koi bang dinmun hi mah taleh, i langte dongah huh huai mite, huhna in itna hi. Thubaih ahih loh hangin, tua bangin it theihna pen mihing pianzia hi lo hi. Itna man in, mite tawh hong kigamla sak thei, hong dal thei nate hemkhia hi. Itna man in a nunna piakngamna dong itna ahi hi.
SUNDAY *OCT. 26
MI HAUTE
Sim in James 2: 1-4.
Omzia kibang lo thu nih genkak hi. Mi khat hau mahmahin puan hoih nono silh hi. Ahi zongin mizawng khat puan gina zong silh zo lo, kuama thusimloh mi khat om hi. Mihaupa kipibawl mahmah a, tutna nuamah kitusak hi. Mizawngpa ahih leh a tut nading mun kipia lo hi. Mun khatah kidingsak lel hi; ama tut nading mun zong tawm dingin kisawl hi.
Hih thu pen thuhoih hi lo hi. Hih thupiang pen mun dang mawkmawk zong hi lo hi. Greek laimalin “kikhopna” cih kammalah Sabbath ni kikhopna inn sung khat a thupiang, mite omzia hong hilh hi.
Kum zalom khat lai-in zong, Greco-Roman mite hunin, silh le ten kizepzia thupisak mahmah uh hi. Mihau, u lian, a cithei mite, pilna nei, gam makaite in mihon lakah huzaap nei mahmah uh hi. Tua bang mite in hamphatna tampi ngah uh hi. Mite in zahtakin, limbawlna ngah uh hi. Tua mah bangin kikhopna innte ah a kikhop uh ciangin mite zahtak ding, mite pibawl ding lamen pah uh hi. Amau deih bangin mite in kithupi bawl kei leh, huhna a kisap ciang huh lo cih bangin om uh hi. Maipha ngah loh lawh uh hi. Tua bang hun ciangin a hau, a zawng, u lian, mi neu cih bangin pawl kikhenna, buaina kipan hi.
Mark2: 16 le Lk. 11: 43 sim in. Bang hamphatna kilamen hiam? Koi bangin
Lungdamna Thu tawh kituak lo hiam?
______________________________________________________________
Hauhna, zawnna cih pen mawhna hi pah lo hi. Neih le lamh, pilna, siamna, a khang, a moi, cihte tungtawnin mite i bawlzia in siatna hong tunpih thei hi. Mi thupi, mi liante bek thupi ngaihsutin, ei sangin a niam zaw mite i simmawh kha thei hi. Pasian in tua bangin mi deidan lo hi. Ama deih loh thu ahi hi (Rom. 12: 2).
James ii gen bangin a hau, a zawng, i khentuam loh hang, mite tawh i kizopna ah, deidan
kinei kha thei pahpah hi lo hiam? Koi bangin tua bang deihtuam neihna, nawlkhin nei,cihte zang lo-in om ding na hiam?
TUESDAY NOV. 27
A HOIH NATE THEI-IN SEM
Sim in I sin khit thute siksanin James 4: 15 17. Bang thu hong hilh hiam?
James ii gen thu in: ei le ei kimuanna, gamtat hoih kisialhpih cihte in hai-na hi, ci hi. Tua hi-in a siangtho ngaihsutna, a hoih lungsim kisam hi, cih hong lak hi. Aneu 17 na ah: mawhna nam nih pulaak hi. Khatna ah, a sia-in gamtatna. Nihna ah, a hoih nate sep lohna. A sia-in gamtatna tawh kisai John in zong gen hi: mawhna i cih in thukham palsatna hi (1Jn. 3:4). Thukham neihlohna in mawhna hi. Hih kammalah Greek laimai-in mawhna namnih pulaak hi. Khatna ah zongsatna hoihlo mawhna le Thukham lak pan khat peuhpeuh palsatna pulaak hi (Rom. 4:7; Titus 2: 14; Heb. 10: 17). “ A hoih ahih manin gamta ding thei napi-in a gamta lote a khial ahi hi” James 4: 17.Khuavakta eite in mawhna a nial ding hi bek lo-in a hoih nate a sem dingin sawlna ngah ihi hi (Eph. 5:8). I khuavak tangsakin, mite in ei gamtat a hoih muh ciangin Pasian min phat ding uh hi.
A hoih nate sem ding thei napi hangin, lungkia-in i sep thadah hun zong om hi. Nisimin na hoih sep zawh tawntung ding hamsa hi. Tawlngak hun zong kisam hi. Khrih mahmah zong a nasep khawl-in tawlnga hi. Amah kia, gamdaihna munah thunget hun nei zelzel hi (Lk. 5: 16; Mark 6: 31). A thupi belin, a sepna khempeuh Pa Pasian' deihna bangin a sep nadingin thungen hi (Jn. 5: 30). Pa Pasian' deihna bangin a gamtatzia, annek tuidawn bangin ngaihsun hi. “ Kei hong sawlpa' deihna bangin na semin, sep dingin hong piak nasep zawhna pen ka nuntakna an ahi hi,” ci hi (Jn. 4: 34). An i nek ciangin i nek zawh zah ciangtan a om bang mahin, i sepzawhna zong ciangtan nei hi. Tua thu hangin Khrih in “ khat in khai tuhin, a dang khat in a an la hi. Anih un lungdam khawm thei uh hi (Jn. 4: 36 38). Topa a' ding i sepna khat peuhah lawptakin sep tawntung zawh nading le Topa' hong zat mi ahi thei dingin kipiak kul hi.
Koi bangin thungetna in angsung zonna hong nial zosak thei-in Topa' deihna bangin a
nungta ding, hong ki-ap zo sak thei hiam? Na geelna khempeuh Topa na ap thei hiam?
TUESDAY * OCT. 28
I VENGTE ITNA
Sim in. James 2: 8, 9; Siam. 19: 17 le Matt. 5: 43 45 sim in. A thupi mahmah bang thu
hong hilh hiam?
___________________________________________________________
___________________________________________________________
James in Topa Thukham pen Kumpi Thukham, ci-in pulaak hi. Bang hang hiam cihleh tuaThukham in kumpite Kumpi Thukham hi (Mang. 19: 16). Tua Kumpi Thukham tawh kisai Jesuh Mualtung Thuhilhna in hong hilhcian hi (Matt. 5 7). Tua thu in midangte it ding hong hilh hi. Jesuh kammal in (Matt. 5: 43), Siam. 19: 17- 18, sunga thute hong theitelsak hi. Mi muhdahna, amipihte tungah hehna cihte in mawhna hi, ci-in itna nei ding cih thu hong hilh hi.
Qumran kici mite in, Jew mi hi lote tawh tengkhawm nuam lo-in om tentan uh hi. Jew mi hi lote, khuamial tate, mawhnei mite ci-in ngaihsun uh hi. Qumran mite in Israel hi lo mi khat peuh tungah hehna, muhdahna cih pen mawhna-in ngaihsun lo uh hi. Israel hi lo mi khat peuh gal-in ngaihsun pah uh hi.
Siatna khempeuh lak panin Pasian Thukham palsatna mah siatna lian pen hi. A mawhna uh hangin maizumin, siatna lam manawh tektek mite hehpihin, tua bang siatna a nusiat zawh nadingun huh ding kisam hi. Tua bang mi tampi in Topa kammal lunggulhin, thapiatkna kisam uh hi. Mawhna le khialhna siksanin, lametna nei zo lo uh hi. Tua bang mite nawlkhin ding hi lo hi. Huh theih bangbang tawh huh ding kisam pha mahmah uh hi. Lungkhamna, lamet bei mite, kei tawh kisai lo hi, ci lo-in, panpih ding kisam hi. Ellen G. White, The Desire of Ages, 504.
Khrihnunzia in eite etteh tek cing pen hi. Amaute tung panin bang mah lametna nei lo-in
itna, huhna i piak ding kisam hi. Bangci bangin a it tak cing lo, it huai lopi mah, it thei veve ding ihi hiam? Angsung phattuam nading nialzawhna bek in tua bang itna hong nei theisak ding hi lo hiam?
WEDNESDAY * OCT. 29
THUKHAM A VEKPI-IN
Sim in James 2: 10 11 . Thukham khempeuh, itna thukham cih tawh kisai a nuaite
tawh enkak in.
Matt. 5: 18 19 __________________________________
Matt. 22: 36 40 _________________________________
Rom. 13:8 10 __________________________________
Gal. 3: 10 ______________________________________
Gal. 5: 3 _______________________________________
Gal. 5: 14 ______________________________________
Jesuh in thukham a hilhzia telhak hi. Jew mite a kipan mi tampi in, Moses thukham khempeuh zui lo-in thukham zui taktak hi lo hi, ci-in ngaihsun uh hi.Moses thukham 613 lak pan sep ding tawh kisai thukham 248 om, bawl loh ding 365 bang om hi. Jesuh a mawhsak theih nadingun, tua khempeuh lak pan koi thukham in lian penpen hiam, ci-in Jesuh kiangah kidong hi (Matt. 22: 36). Laimal neu pen khat nangawn manpha hi. Thukham khempeuh ii deihna/ mungtup in Pasian itna le mi itna in a lian penpen zuih ding thukham hi, ci-in hong hilh hi.
Itna nei lopi, zuihna kician om thei lo hi. Pasian tawh kizopna le mite tawh kizopna ahih manin, tua lo-in, thukham zuihna in man nei lo hi. Sawm ah khat piakna in thuman ahih manin a pia maw, ahih kei leh, pia kei leng, mangthang kha ding cihna tawh a pia maw? Ahi zongin Pasian thupha tampite hangin, lungdamna tak tawh na piak ahih leh, tua pen, Pasian tawh kizopna hoih a nei na hi hi. Hehpihna, upna, thumanna om lo thukham zuihna in man nei lo hi (Matt. 23: 23). Thukham in Pasian tawh kizopna le mi tawh kizopzia ding hong hilh hi. Tua hi-in James gen thute in Jesuh hong hilhte, Paul hong hilh thute mah hong hilh hi. Itna nei lo thukham zui ihi kei ding a, itna nei-in thukham zui ding hong hilh hi. Itna siksanin Ama thuzuihna in Jesuh theihtelna taktak ahi hi.
Pasianna itna-in Ama thupiak a zui na hiam? Zuih loh theihloh ci-in, tangthakuan
bangin na ngaihsun hiam? Zuihnopna lungsim om lo pi-a, zuihna in khialhna hi, i ci pah thei diam? Itna om ta keileh, mi huh ding a kilawm ahih teh cihna tawh mi huh, cihte a man mah hi, a kici diam?
THURSDAY OCT. 30
THUKHAM TAWH THUKHEN
Sim in. James 2: 12, 13; Jn. 12: 48; Rom. 2: 12, 13; 2Kor. 5: 10;
Mang. 20: 12, 13 sim in. Thukhenna thu bang hong hilh hiam?
____________________________________________________________
____________________________________________________________
A hoih hi taleh, a sia hi taleh, i sepna bang bang siksanin thukham tawh thu hong kikhen ding hi. Ahi zongin Lai Siangtho in a hong hilh bang mahin Jesuh a um mi khempeuh, Ama dikna in puan bangin eite hong tuam hi. Hih thu mawhmai-na ( dikna ngahna) thumanna (siangthona) pulaak hi. “Note hong Honpa dingin Topa Khrih na sansa uh ahih mah bangin Amah tawh hoihtakin kipawlin nungta un” (Kol. 2: 6); bang hang hiam cihleh “ Khrih sungah a kiphum note in Khrih pianzia a nei khinta na hi uh hi,” ci hi. (Gal. 3: 27).
I sepna tungtawnin hi taleh, sep ding i sep lohte tungtawnin zong thukhenna i tuak ding hi. Hih bangin i gen ciang, mi tampi in thukhenna tel khial uh hi. Lamet bei nading hi lo hi. Hehpihna lungsim a nei lote tungah Pasian in thu a khen ciangin hehpih lo ding a, hehpihna lungsim a neite tungah Pasian in thu a khen ciangin a hehpihna in zozaw ding hi, ci hi (James 2: 13). Sepna i cih ciangin Pasian tawh kizopna nei le nei lo cihna hi. Pasian kihta un. Bang hang hiam cihleh Ama thukhenna hun hong hi, (Mang. 14:7) cih thu in lungkiatna ding le lau ding hi lo hi. Bang hang hiam cih leh, eite lungmuanna bulpi in Jesuh dikna ahi hi. Amah i itna in Pasian deihna bangin hong nungtasak thei hi. Jesuh tawh kizopna kip nei lo-in, ei le ei in lungmuan ding hi lo hi. Thukhen ni ciangin hehpihna in zozaw ding hi, ci-in James in hong hilh hi (James 2: 13). Hih in a deihhuai het lo na khat peuh a sem kha mite tawh kizopzia ding hong hilh hi.
Siatna khat bawl kha-in, gimna thuak ding cih lungkhamin na om laitak, hehpihna,
mawhmaisakna ngahin na lungdam hun a om hiam? Mi dang khatin tua bangin a khialh khak loh nading bang nasem thei diam?
FRIDAY OCT. 31
SIMBEH DING: Ellen G. White, “ Facing Lifes Record,” in The Great Controversy, 479 491.
Pa Pasian in Ama tapa tanu-in vantungmi le na khempeuhte' muhin hong ciamteh hi. Tua bang hamphatna kisiasak kei in. Tua dingin thungen in. Topa hong kisapna tawh kituak a nungta ding ihi hi. Hih leitungah, Pasian in Ama sawltak, Ama aitangin a ding dingin hong sawl hi. Na nuntakna in Amah a kilangsak dingin hong koih hi. Khrih dikna le Ama hong hehpihna bek in tua bangin hong nungta sak hi. Ellen G. White, Thoughts from the Mount of Blessing, 107. Jesuh tungtawnin, mawhna thaman kipia khin a, a vanglian Ama siantho melhem lo-in, mawhmaina hong pia hi.
KIKUP DING DOTNATE:
1. Ghandi in bang gen hiam cihleh, “Jesuh bel deih ing. Khrih nunzia a suun lo no Khristian thu-um mite bel deih keng,” ci hi. Bang hangin tua bangin pulaak cih pen a hang, telhak lo hi. Khrih min paulapin mitesep khialh nate muh ding hamsa lo napi, ken bang ka sem hiam cih kuamah kisittel lo hi. Koi bangin na kiim na paam ah Khrih na kilangsak hiam?
2. Na tual pawlpi pen mite in nuam a sa uh hiam? Khat le khat kithupisimna mun ahi hiam? Tua bang ahih kei leh, a nuam pawlpi ahih nading, bang nasem ding hiam?
3. Lai Siangtho tawh kituak lo, pupa ngeina, mun le mual tawh kizui ngeina tuamtuam bang om hiam? A kilangtang le mi theih khak kholloh cihte a om hiam? Tua bang a om leh, bangci bangin Lungdamna Thu in tua bangte tungtawnin hong puahpha zaw thei diam?
4. Midangte i it mah hi. A kimu thei lo Pasian it ding cih thu koi bangin na tel hiam? Bang hangin Amah itin, koi bangin tua itna kimu thei hiam?
5. Hehpihna in mawhna zozo hi, cih thu koi bangin na tel a, na tung hong khial mite mawhna na maisak hiam? Mawhmaisakna le thumanna koi bangin kikhaikimsak ding na hiam?
