Piancil
panin Pasian in Leitungah angimna alawhcing sakding mimal, mihon, gam khat zat
na nei den hi. Tun hun pau in ‘pawlpi’ cih theih ding hi. Azat sa pawlpite
cilengh Adam le Eve pawlpi, Noah pawlpi, Abram pawlpi, Israel pawlpi, Gentile
pawlpi cihbangin mi hong zang to to hi. Tuhun adingin Christian pawlpi hong
zang hi, cileng kikhial pahlo ding hinapi, mankim tak theilo hi. Banghang hiam
cihleh Mangmuhna 14 ah Christian pawlpi pen Babylon a kici pawlpi leh acianlai
pawlpi ci-in na kikhen hi. Hibangin ahong khen khit nua ah akuate Babylon hi-a,
akuate cianlai pawlpi ci-a gending pen abaih namun aom teei hang ahaksat hun
zong om zel hi. Banghang hiam cihleh Piancil panin azat pawlpi sungpan mahin
acianlai pawlpi cih Pasian in na guang lailai hi.
Tulian-a
akicianlai pawlpi sakte lak nangawn ah Pasian in acianlai pawlpi aneih lai ding
eite patauh ding thu khat hong hita hi. Telsiam nadingin gentehna zanglengh, ni
nunung ni adinga acianlai pawlpi pen SDA te hi, a ci ding vive ih hi hi.
Ahizongin LST in “cianlai pawlpi” kammal azat dan telkan lengh, SDA sungpanin
zong acianllai pawlpi Pasian in neih thuah tuak thong hi. Hih pen buaina dinga
ih gen hilo hi.
Hun
khat lai-a “Acianlai” ahite anung ciangin “babylon suak ahihmanin amaute’
sungpanin “acianlai” kihin suah leuleu hi. Hih thu ih sansiam nadingin kihici
et thei hi. Topa Jesu in pawlpi agen ciangin tuu le keel, tahum le taang, tawh
nagen teh hi. John in Babylon leh cianlai tawh na genteh hi. Tanglai pawlpi
hileh tutawm a pawlpi hileh pawlpi pen mihoih le migilo, Jesu a um ngei mihonte
kikaihtuahna ahihna hong lak hi.
Anlak
ciang bekin mi pawlnih kihelna pawlpi pen acianlai leh alampial mipawl cin
namnih in kikhen khia paisuak pan ding hi. Hih thu hangin pawlsung nuntak pen
lungduai kisam hi. Innkuan vaihawm kizang thei kiken lo hi. LST siamte lakah
pawlpi pen muhtheih leh muhloh pawlpi, ci in cinih in na khen uh hi. Puahphate
ahi Luther leh Calvin in hih thu na buai pih uh hi. RC pawlpi in ko, muh theih
pawlpi hi ung, RC pawlpi pua ah gupna om lo hi (Cyprian) acih hun un puahphate
hong khangkhia uh hi. Muhloh pawlpi pen Pasian’ muhna pan ngaihsut thu hia, Pasian’
mit ah gumpa tawh kizopna aneiden Pasian’ mite agen nuam na hi hi. Muhtheih
pawlpi pen mihing muhna panin et ding hia, thu-um khempeuh, gumpa tawh kizopna
nei taleh neinawnlo phial hita leh Christian min apua limlim tuu le keel
kipawlna pawlpi agen na hi hi.
Hih
na sansiam nakleh acianlaite lak panin zong cianlai om theilai, cih upna san
hak nawnlo ding hi. Hih thu hangin pawlpi khat peuhpeuh ah dianna khat peuhpeuh
ahong khankhiat ciangin unau sanggam ci le sa vaihawm biakbuak theihloh thu ih
maingat hong kul hi. Man, manlo cih kammal pen mimuhna pan ih et leh, Pasian’
muhna pan ih et theih kakding akisap hun hong suak ahihmanin khasiangtho pilna
hong kisam hi. Thu tawh nuntak ding hun hong hi hi. Thumai thunung saikak zawh
ding kisam hi. Hih thu ah thu nih phawk ding om lai hi.
Pawl
sung pana diankhiatna peuhpeuh ah doctrine (thuman= universal principles) kituh
maw, ahihkeileh tawndan kituh, cih phelkhiat masak hong ngai lian hi. Thuman
kituh ih hihleh aman lote ninbung ah ani anai buai hun lianmah panin kinawl
khin hong kul hi. Tawndan (policy,approaches, procedures) ahih leh lungduai
zong kisam, hun lak zek zongkisam, kha pilna zong hong kisam hi. SDA sungah ih
unity (kipumkhatna) pen universal principles ahi thuman (doctrines tawh aki
pulaak thukhempeuh) ah kipum khatna hi. Ahizongin hih thumaante na zek khiatna
ah akibangin tangding cih hong kilam en lo hi. Ngeina, kampau, luhek, duh leh
dah thu ah kitum kakna om hi. Gentehna in: lungdamnathugen ding mi akuan ciang
vanleng azat hang en khe tawh ih kuan hong kul ding, min mangpau tawh genin en
zopau ih zat ding, min piano tawh la asak ciangin en guitar bek tawh na sa thei
ding,mang te’n thu agen ciang adin hang, ei
Asia
te in tutsa a thu gen angai siam na hizaw, mi ngapik ne in e’in bepik leh gatam
ne, mi’n pawi akhaam ciangin cake ne in e’in sago, mite zan in a tutkhop
ciangin kawmpang khat hong mek ziau in meitang, e’in meilah vaak, kibat nading
(uniformity) om thei ngeilo ding, Pasian hong bawldan hi. Hih thu ah kilamdanna
(diversity) ih neihkul hi. A Zo a Mang cih omlo in ih upa Jesu hina pi, Amah ih
upna ih pulaakdan eidan tek tawh pulaak ding Pasian hong lametna hi zaw hi. SDA
pawlpi in “kilamdanna ah pumkhatna” (unity in diversity) ki um hi.
Kamsangnu
na dong leteh, tawp theilo liangin hong genpih ding hi. Akhiatna theilopi in
mite ngeina zuih kullo, zuihna pen mite ngeina akawm pak hibek in khalam
pilvakna piang sak lo hi. Thu ah ki thuklutzo, puatham nuntakna piangsak hi.
Pasian in minam khat ciat apiak ngeina pen ih zumpih khakleh minam tuamtuam
apiangsakpa azahpih ih hih zawk khak ding lungngaih hun hita hi. Hih thu tawh
kizomin hun nunung thupiangte ngaihtuah ni. Dianna khat peuh apian ciangin
Pasianin phal keileh ma kitunlo, cih sehsa in nei ni.
Thuhoih
hileh thu hoihlo hileh, Ama’ minthan nadingin asek theih thu ahihmanin apian
ding phal hi. Hih dianna thu apiang sak ahang thu tampi lakpanin khat (kei
upmawhna ah) kikum ni. Hihpen makaihna (leadership)tawh kisai hi. “Pawlpi” cih
kammal apian a kipanin makaih dan atuamtuam kizang to hi. Adiakdiak in pawlpi
atawsawn makaihna thu encian ni. Leitunga pawlpite’ buaina atamzaw pen pawlpi
atawsawn makaihdan, sandan kilamdangte panin atamzaw hong piang hi. Mangte’n
“What drives your Church?” ci hi. Ih pawlpi bangin tawsawn hiam? Apaisa makaih
dante pen atom thei penin nam giat zangin pawlpi na tawsawn hi. Atawndan uh leh
makaihdan ie azia atong tomkaih in gual ni.
Khen
khatna
1. Pupa ngeina tawh
akitawsawn makaihna (Church Driven by Tradition)
2. Abeisa hun a
makaihdan zom to to (perpetuity of the past),
3. Kikhelna pen asia a
ngaihsun (change seen as negative),
4. Dualdapna pen kipna a
sang (stagnation as stability),
5. Pawlpi
luite pen thukhun, thupiak, zeh le tan tawh kikhih (Old churches are bound
together by rules, regulations and ritual),
6. Pawlpi
athak zaw diakte pen ngimna leh masawt nasepna tawh kikhih zaw (New Churches
are bound by the sense of purpose and mission).
*Hun
leh nun kikhel khel, Pupa ngeina sangin KST makaihna lunggulh huaizaw.
Khen
nihna
1. Makaipa Zia tawh
Pawlpi Tawsawnna (Church Driven by Personality)
2. Makaipa in Bang deih
cih tawh maasot (What does the church leader wants?),
3. Makaihna pen Pasian’
deihna zon ding sangin makaipa’ nungthu, lunggulhna,
4. Lauthawnna
mungpi sak zaw (Determined by background, needs, insecurities of leader than
God’s will). *Pawlpi khangto dingte in Jesu dan bulphuh zaw.
5. Sum in atawsawn
Pawlpi Makaihna (Church Driven by Finance)
6. Pasian in Pawlpi
bangci leh hoih ding adeih sakna sang pawlpi budget,
7. summetna
bulphuh zaw a makaihna (Budget, profits, not what God wants the church to be).
Sum le paai pen Pasian’ nasep nadinga zat ding hia, Pasian’ nasepna pen metna
hauhna adinga zat ding hilo zaw.
Khen
thumna
1. Program tawh
akimakaih Pawlpi (Church Driven by Programs)
2. Sum leh thagui
khempeuh Innngakna nadinga zang (All energies are focus on maintenance),
3. Sum leh tha khempeuh
tawh aomsa (atungpana hong kipia suk
4. Program kepcing
nading in Zek (All resources are focus on sustaining programs),
5. Mite
Khansuah sunsun leh zong Program sungah dinmun hawmte adipna ding in zang
(Developing people just to fill positions),
6. Nominating
committee te pen pawlpi sungah mihonte lakah akitangsam pen mihon hong suak
(Nominating committee becomes the most crucial group in the church).
7. Program
pen khuatual pawlpi kisapna tungtawnin akibawl ding hi-a, tungsiahte zakip
nadinga mittaw sialkhau letding thu hilozaw. Khuatual pawlpi gamkuan nading
program pen LST ah masotna limn a hizaw.
Khen
Li-na
Inn
leh Lo in atawsawn Pawlpi Makaihna (Church Driven by Buildings)
Budget
agolpen pen innpuah leh kepna ah kibeisak (Paying for and maintaining buildings
becomes the biggest budget items),
Mihingin
inn zem in, inn in zong mizem hi, ci in Winston Churchill in gen (‘We shape our
buildings, and then they shape us’ said Winston Churchill),
Kim
le pam mipite konlawh ding kin masak lo (No priority in reaching the
community).
Inn
le lo pen thu um mimalte punna tawh kituak in Pasian’ hong sepsak
ding
hizaw, LST paizia hi. Nungzuite in bang nei uha? A nasepna lah tangzai sak zaw
lai, innle lo himasa lozaw.
Khen
ngana
Thupiang
in atawsawn Pawlpi Makaihna (Church Driven by Events)
Pawlpi
calendar enlengh amite a buai khop pihding uh nasep kipia ahihna lak (Calendar
of the church shows people are keep busy),
Sepkhiat
leh zekna tam mahmah, khantohna masotna ompenglo (Lots of activity, but not
productivity),
Amite
thumaanna leh dikna pen kikhop kahna tawh kiteh (Attendance becomes the sole
measurement of faithfulness and morality),
Ngimna
tupna omlo, Pawlpi nasep sangin committee tut thupi sakzaw (No purpose,
Meetings replace ministry as its priority). Sawl, nget, thuum, cial, committee
akikhensat ciang bek na asemte pen thacialte, innteek nasepna hilo, pawlpi
sungah thu duh, kibuai sak, mimaiah dingmun nei te atamzaw pharisaite
hihamtang.
Khen
gukna
Thumaan
zong te’ Tawsawnna tawh akimakaih Pawlpi (Church Driven by Seekers)
Thu
um nailo te konlawhna in Pawlpi tawsawn, thudang mungtupte nungngat (Reaching
unbelievers as a driving force, Others targets at risk),Thu umnailote konlawhna
in nungzui suahsakna ie kalsuan masa ahih tei hangin Pawlpi atawsawn thu hilo
(Reaching unbelievers is the first step of making disciples but not the driving
force),
Pawlpi
in thu umlote kin ding hinapi, tuabek in pawlpi tawhkuang zolo (Need the church
be seeker-sensitive, but its driving force). Pawlpi adinga kitawhkuanna pen
Pasian’ deihna Khasiangtho tungtawn in ih ngah teh hizaw, nasepna pen khamang
zonna bekhilo, zonsate kipsakna leh akipsate vaikuankhiat sakna zong hi .
Khen
sagihna
Ngimna
leh Mungtup in Atawsawn Pawlpi makaihna (Church Driven by Purpose)
LST
ah Pasian’ deihna thumasa (Biblical paradigm: God’s will first),
Muhna
leh Kuanna ah zong Pasian’ Deihna mah masa zel (Perspective and Process
paradigm: God’s will),
Ngimna
akhengkhia ding omlo, Kin masak ding Pasian’ Ngimna (Nothing precedes purpose),
A
nungtolh pawlpi a khanglo baih sakding pen Pawlpi adinga Pasian’ hongngimsak
hi-a, zonkhiat ding mah hizaw (Nothing will vitalize a discouraged church
faster than rediscovering its purpose).Mate 6:33 ah Pasian’ deihna leh adikna
zong masa un, tua hileh ADANG khemepuh hong piak beh ding hi.
Ih
it SDA pawlpi, Ei khua tekah bangin tawsawn hiam?
Dr. Dal Mang
