.jpg)
Nehemiah a lian 1-7 dong
Nehemiah Hun sungin, Kulhpi cian ong kipan uh hi, thu haksa mahmah nampi thum ong phukha pah uh hi. Na hoih khat peuhpeuh leh, thumaan in cihtakna tawh ih kipat nak a leh, ih tuah khakding, haksatna, buaina, lungkiatna te ih tuak pah dingin ih mai ah ong ngak gige hi. Kulhpi ciang ding cihciangin, a gal dingte ong phul zuazua pah hi, Amonite mite, Edomite mite cihbangin ong dingkhia pah zuahzuah uh hi, Nangzong, thuhoih khatpeuh kulhcian bangin na kipat dingciangin, a heh, a deihlo mite na gal dingin ong dingto ziahziah pah ding cih na muh kul ahi hi.
A numbat khatna haksatna pen Kulh ciangin, a khutlang khat ah luum-leh-teii tawikawm in ong cian ciangin, Amonite, Edomite cih mite heh in ong diang khia pah zuahzuah uh hi. Hibangin a kiim a paam ah mitampi te in, ciang zongap kei unteh, hih zo ngap kei unteh, kua teng in semzo ding hiam, milip in bangzah pha leltak uh hiam, ci –in zahko in, nuihsan in sim mawh mahmah uh hi. Tua bangin a om ciangin, Nehemiah zong nak hehmahmah a, Topa aw, hi mite mawhna pen maisak kei inla, ko tungah ong bawlna te uh, ciamteh in, thuk kik in ci-in Pasian tungah ki ko lai hi. Tua ahihman in, kulh ciangte in, gal vilkawm in, a kawng ciat vuah namsau, teipi te kiging in om uh hi, tu ni inzong, ih ciancian kulhpi te hangin, a heh ih kiim ih paam ah ong buaisak, thongsung ong dengnuam mite Pasian in Nehemiah kikona bangin ciamteh dinga, mawkmai lo ding in ka lamen hi, kulh cianna ah, haksatna te ong tun ciangin, mipi te kap in thungen in a kiko mah bangin, tulaitak
A numbat nihna in, Kialpi tuna ahi hi, annek ding bangmah neilo in, a tawpna ah nekding lei nadingin tanu tapa te tawh an lei, sum bawl, sum meet pia cihbangin ong om hi. Pasian nasepna leh thumaanna ah, haksatna tampi ong om ding a hi h, tuate ih tuak ciangin khial cih hilo zaw a, thumaan ih hihnak leh, a maanlo te in nakpi takin ong mudah ding ahi hi. Kial tuna hangin, pawlkhat te a ta te uh mite sila in om hi, pawlkhat te leuleu kial tuna huhau in, a mau mahmah mite sawlsawl a sem dingin sila suak uh hi. Tua bangin mite sila in a suak uh Nehemiah in a muh ciangin nasa mahmah a, Mite sila suahna pen Pasian tungah cihtak lohna hi a, Pasian mah muanga, sila pan suahtaak ding kul hi ci hi. Tu in, Ei pawl sungah, Pasian nasem kisa tampi tak zong, mite sila peuh ih hi kha mai hiam? Thumaan lopipi, nekding neihloh man leh gilkial dangtaak hangin, Pasian thumaan hemkhia in, mite sila peuh ih hi kha hiam cih ong phawksak mahmah hi. Hih kulh cianna ah, Nehemiah mahmah zongin, sem ngiatngiat in, nisim nekding bawltawm, a langkhat ah gal do kawmkawm uh lai uh hi. Tu ni-in, na kulhcianna ah, na galdo kuate hiam, na muh theih mite zong hi kha thei hi, ahizongin tuate pen, a sawlpa khat om na hi zaw hi.
Tua ahihman, Pasian tawh kinai nading, thumaan mah ah, kulhpi cian bangin ih cian limlim leh ih tuahkhak ding, ih kiim ih paam ah mitampi om ahi hi cih ih phawk ding ka deih hi.
khenno
