SABBATH NITAK:
TU KAAL SUNG SIM DING: James 1: 2, 3, 19 - 21; 1Pet. 1:6, 7; Phil. 3: 12 15
KAMNGAH: Tua hi-a, eite in i kiim i pamah hih zahin a tam teci nei ihih cianin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni (Hebrew 12: 2).
Ha siavuante in ha hoih lo, ha heng khat a kimuh loh nadingin hong bawlsak thei uh hi. Tua bangin a bawlte uh, a tungthamteng bek bawl thei uh hi-a, a sungtawng kisiate bawlpha thei lo uh hi. I nuntakna ah zong ei le ei in i hanciam kul a, a tawpkhakna dong a hoihsuak zawh nading, Pasian in hong sem ding hi. Eite' panmun ding ahih leh, eite upna hong kicingsak Khrih mitsuanin upna thu-ah a nawksuak ding ihi hi (1Tim. 6: 12). Tua bang upna in utna hong nei theisak banah, Ama deihna hong zuizo thei sak tham lo-in, Ama hong patkhiatsak upna cingtaaksak hi (Phil. 1: 6; 2: 13). Upna om kei leh, Khrih mitsuan lo-in, ei tha bek tawh nuntakna hi a, tua in siatna kipatna ahi hi. Jesuh in “ Pasian in a hong sawlpa um le-uhcin Pasian a lungkim nadingin a gamta na hi uh hi, ci hi (Jn. 6: 29). James Laikhak in hih thu hong theitelsak ding hi.
MONDAY OCT. 6
A CINGTAK NUNNA
James 1: 2 -4 sim in. A thuluanzia ngaihsun in.
___________________________________________________
___________________________________________________
Upna, ze-etna, thuakzawhna, a cingtaak cih thute i mu hi. James in upna mah bulphuh hi. Bang hang hiam cihleh, i tuahkhak thu khempeuh, upna mah bulpi pen hi. James in upna a gen khit ciangin, upna sittelna a thuak zo ding hong hanthawn hi. Ze-etna in thuakzawhna hong neisak hi. A thuak zo mite in siatna kantan zo uh hi. Eite aa ding Pasian hong geelsak thu in: a kisam bangmah om nawn lo-in a cingtaak mi hi dingin hong koih hi. Pasian hong geelsakna sangin nuaikiat zaw lo ding ihi hi. “ Teleios kammal in nuntakna thu-ah picing cihna hi. Holokleros kammal in na khempeuh ah kicingkhin cihna hi. Ei le ei hi kisakna hemkhia-in, Khrih sungah nungta hi lehang, i nuntakna ah Ama deihna kicing ding a, Topa a lungdam sak thei ding ihi hi (Phil. 2: 13).
Eph. 4: 13; Phil. 3: 12 15 sim in. Koi bangin a cingtaak nunna na tel hiam?
_____________________________________________________________
______________________________________________________________
Paul bang mahin thu um mite in angsung zong lo nunna a neih mateng, Honpa theihtelna a neih mateng cingtaak kici thei lo ding hi. Tua bang mi in kicing khin ing, ci-in amah le amah kingaihsun ngei lo hi. Nisimin Topa tawh kinai zaw semsemin, thumang zaw semsem ding ihi hi.
Na nuntakna tu-in hong bei leh, Topa tatkhiat mite lakah na kihel ding kicinna na nei hiam? Ahih kei leh Jesuh na sanzawh kaal nih khit bang ciangin, a cingtaak mi na hi diam? Kha guk bang sawt leh eel eh! na cingtaak nai diam? Bang bangin a kicing mi na hi phial zongin, Khrih dikna le kicinnna kisam tawntung hi lo na hiam?
1 1
TUESDAY OCT. 7
UPNA TAWH NGETNA
James 1: 5,6 sim in. Koi bangin vantung pilna le leitung pilna kilamdang hiam? Bangci bangin vantung pilna le upna kizom hiam?
______________________________________________________________
______________________________________________________________
Pilna kitangsam mi in, koi bangin pilna ngah thei ding? Solomon in pilna a kitangsap lam phawk ahih manin kiniamkhiatna tawh a nget tak ciang, a sia le a pha khentel theihna ngah hi (1Kum. 3: 9). Topa zahtakna in pilna kipatna hi, ci-in pulaak hi (Pau. 9: 10).
Khat veivei, theihna pen pilna i sa kha thei hi. James in vantung pilna koi bangin hong hilh hiam? James 1: 19 21; 2: 15, 16; 3: 13.
_________________________________________________________________
_________________________________________________________________
Paunak le James in pilna a gen ciangin nuntakpih theih ding thute gen hi. Mihing theihna bek hi lo-in nuntakzia ding hong hilh hi. Gentehna in, pau pahpah lo-in, heh pahpah lo ding (James 1: 19). Plato in, mipilte in a gen ding uh nei ahih manin pau uh hi. Ahi zongin mihaite in gennop bangbang uh gen hi, ci hi. Na khempeuh thei napi, vantung pilna nei lo om hi. Pasian in pilna khempeuh kipatkhiatna ahih manin Ama hong gen thute za-in, Ama kammal tawh nungta-in, Ama thu a lungngai tawntung mi in Pasian kiang pan pilna ngah lo-in a om kei ding hi (1Kor. 1: 30). Khrih nunzia kilangsak dingin a nungta mi na hih leh, Khrih sungah a nungta mi na hi hi. Tua mi in vantung pilna nei mi ahi hi.
James 1: 6 sim kik in. Lungkaa lo-in upna tawh thunget kul hi. Tua bang ding, khat veivei ciang, hamsa hi lo hiam? Muanmawhna nei ngei lo, kua om hiam? Tua bang hun ciangin i siksan thuman thutakte genkholhna thute, Khrih tangthute le i phutkhak ngei thute ngaihsunkik a, thunget ding bang zahin kisam hiam? A mainawt thei ding h lo na hiam?
WEDNESDAY OCT. 8
James 1: 6 -8 sim in. James in bang thu hong hilh hiam?
________________________________________________
________________________________________________
“Muanglah” cih kammal in lungsim tawh kisai thu hi-in, lungsim tuamtuam nei cihna hi. Israel mite in Kadesh- Barnea mun ah a tuah thute tungtawnin amau dinmun kimu thei hi. Upna tawh mainawt ding maw, ahih kei leh, Topa thupiak nial zaw ding maw, cih khat zawzaw a khensat uh kul hi. Tua munah Israel mite in Topa langdo uh hi. Egypt gamah salin om ding teel zaw uh hi. Topa Pasian in Moses tungtawnin amaute sehnel gamah mangthang khin ding uh hi, a pulaak tak teh, Israel mite in Topa um thei pan uh hi. Topa hong kamciamna gamah ka pai ding uh hi, ci kik uh hi (Gam. 14: 40).
Israel mite in amawhna uh kisik uh hi leh kilawm hi. Ahi zongin a thuak ding uh gimnate hangin kisik uh hi bek a, Topa thu a man lohna, Topa tungah a lungdam theih lohna cihte hangin kisik hi lo hi. Gimna a thuak lo uh ciang, Topa mangngilh kik zelin, amau deihna bangin nuntak ding hanciam uh hi. Topa sawlna bangin gamta nuam lo uh hi. Amaute in Topa nungzui takpi hiam ci-in Topa in sittel den hi. Ellen G. White, Patriachs and Prophets, 391.
Luke 17: 5, 6 sim in. Upna tawh kisai Khrih in bang thu hong hih hiam?
__________________________________________________________
_______________________________________________________
Nungzuite in upna lian a neih nadingun Khrih kiang a nget uh leh, ankam tang cia upna in na khempeuh zozo thei hi, ci-in na hilh hi. Upna in a khangtoto ding le a nungta tawntung ding hi a, tua bang upna i neih nadingin nisim nuntakna ah Topa Pasian muangin, ze-etna khempeuh a do ding ihi hi. Ahi zongin khat veivei kiim le paam nate hangin muanlahna i nei kha zel hi. Tua bang hun ciangin, Pasian hong ompihnasate phawk a, muanna tawh thunget ding simloh i hih theih ding om lo hi.
THURSDAY OCT. 9
A ZAWNGTE LE A HAU MITE
James Laikhak tomno beek hi mah taleh, a zawng mite tawh kisai limgen mahmah hi. Mi kimkhat in James Laikhak ii thulaigil khatin ngaihsun uh hi. Tu hun mite adingin tua bang thuhilhna pen lamdang a sa zong om kha thei ding hi. Ahi zongin Jesuh thuhilh teng mah James in zong hong hilh hi.
James 1: 9 11 le Luke 8: 14; James 1: 27 le Matthew 25: 37 40; James 2: 15, 16 le Luke 10: 29 37; James 5: 1-4 le Luke 12: 16 21 cihte enkak in. Bang thu hong hilh ciat uh hiam? Sep ding le i pelh ding bang thu hong hilh uh hiam?
__________________________________________________________________
__________________________________________________________________
James in a hau mite langpan lo hi. Ahi zongin tua bang hauhnate siatna in nungzuih baih hi. A zawng, a hau, a kuama ciat in tua bang siatnate mangngilh loh ding kisam hi. Hauhna in, a tawntung kimang ding nate hong mangngilhsakin, a kisia ding nate bek hong deihsak thei hi (2Kor. 4: 18). A hau le a zawng, mi lian le mi neu cih bangin kideidanna om zelzel hi. Ahi zongin Pawlpi masate in tua bangin kikhen lo uh hi. A kiniamkhiat mite, lungsim neem mite in pahtawina, vangliatna ngah ding uh hi. Nek ding nei lo mi, silh ding puan nei lo mi, nuntak tawntungna thu a thei nai lo mite huh theih zahin huh ding masuan a nei ihi hi. Ellen G. White, Welfare Ministry, 269.
Sum le paai, neih le laam tungah bangci bang lungsim puak na nei hiam? Bang hangin sum in upna siasak thei hiam?
FRIDAY OCT. 10
SIMBEH DING:Ellen G. White, “The Sermon on the Mount,” 298 314 in the Desire of Ages.
Pasian in a nasem mite lungsim sittel hi. Mawhnei mi ihih lam kiphawk thei a, lungsim sianthona i neih nadingin, gimna, ze-etna hong thuaksak hi. Upna hanga ze-et bawlsiatnate in i nunzia a hoih zawk nadingin hong puah hi. Niinbaanna khempeuh siangsak thei hi. Vantung siangthona sungah a lut dingin hong kigingkholsak hi.Tua hi-in ze-et bawlsiatna i tuah ciangin i thuak nate mitsuanin nei lo zaw-a, mit tawh kimu thei lo, a tawntung kimang ding nate, a si nawn lo ding nunna, tawntung om nading mun, cihte mitsuan zaw ding kisam hi. Tua bang hi leh, i thuak ze-et bawlsiatnate in hong zozo lo-in, kicinlohnate hong hemkhiatsakin, Pasiandeihna tawh kituakin a zah tampi-in hong siangthosak ding hi.Ellen G. White, The Advent Review and Sabbath Herald, April 10, 1894.
KIKUP DING DOTNATE:
1. Ze-et bawlsiat thuak kamsang, sawltak tuamtuam pan, kua tung panin tha ngah lian bel na nei hiam? Ze-et bawlsiat na thuak hangin a lungdam thei veve dingin na kisin hiam? Bangin tua bangin hong om sak hiam? Tua ahih kei leh, koi bangin lungdam ding na hiam?
2. Theihna nei mi khat, vantung pilna nei hi pah lo hi. Khrih i upna tawh i sep khiat in vantung pilna hi. Ahi zongin bang hangin theihna thupi lo, ci lo i hiam? Koi bangin up khialhna in Topa tawh hong kigamlasak thei hiam?
3. Khangno lai mi khat in, ze-et bawlsiatna thuak lawm khat nei hi. Hamsatna a thuak hangin hehpihna sungah a khangto ahih a lawmpa in mu thei hi. A thuak gimnate hangin a nunna kikhel hi. Bangci bangin ze-et bawlsiatna in hong puahpha hiam?
4. Mi khat in a lungsim takpi tawh um mah taleh, khat veivei, muanlahna nei zel hi. Koi bangin tua bang mi huh ding na hiam?
