Gupna in Topa ahi

GUPNA IN TOPA A HI Azom  

Salvation belongs to the Lord

 Pr.Kham Khen Pau

Thupatna:

Mission leh Conference pawl cih ong om hi. MYUM/UMMpen akipat pan tudong kum 100 val Mission tawh kimakaih ahih manin Mission bek mah SDA kisa kha hi. Tuamanin ordained pastor leh siapite mahin zongConference deihte Satan pawl, a lampialte, gup ngahloding ci-in pawl kaihna dingin hilh uh hi. ATI maw?Pasian? Mission maw Satan cih ong tun uh hi. Tua manintheology kisam ahihna ong kidawk hi. Ahangin ih"theology" khial leh "missiology" zong khial pah hi: Ngaihsutna khial leh sepkhiatna zong khial pah hi. 1844-1860 kikaalin Adventist masate in "1844 inHehpihna kong kikhakzo" ahih manin, missionary kulnawnlo cih "theology" khat pom uh ahih manin 1870 dongmissionary kuankhia omlo hi. Tua Sung pen Anti - mission hun ci-in SDA missiologistte'n ciam teh hi. Tu-inzong MYUM/UMM makaite'n a theology uh sawi ahihmanin, missiology zong tanglo pah hi. Tua maninConference leh Mission pen SDA ki ukzia deih zawk kituhlel pen SDA leh Satan cih tun uha Conferencete tungahhiamgam takin ong gamta kha uh hi. Gupna pen Missionki ukna sung bek leh, makaite piak theih bang khatong suah uh hi. Aman lohna telcian kisam hi."Gupna inPasian-a ahi hi." Ps.3:8

1. A BIA TAKTAKTE

Laisiangtho : John 4:1-42 

Thu Dopphah:Zeisu leh Samarianu' Kikupna

Biakna makai Phariseete buaisakna hangin Zeisu in Judiagam nusia-in Galilee gamah pai hi.Lampi-ah Samaria gamnawk uh hi.(2 Kumpi17:1-6(PK 279-292) ). Saikhar khua atun uh ciangin a nungzuite an lei dingin khua sungah paiuh hi. Khua nawlah Jacob tuikhuk om hi. Jewte inSamariate pen kau nei khang nei bangin giim neih uh hi.Lei loh mawkpiak bang mah neksak zatsak lo uh hi.Babilon saltaan khit biakinn lam ding lai-in Samariatezong kipawl nuam, Jewte in asaan loh manin Gezarimmual ah biakinn khat lam uh hi.Jacob suan tuak uh hi napiIsraelte BC 722 kum Assyria khut nuai a tun uha kipannakpi-in ki kaak uh hi. Jacob Sang Lianzaw na hi hiam Tuitawi numei kiangah Zeisu-in tui ngen. Numei-in lamdangsa hi. Tua pan holim ki zom. Pasian piak letsong theitelleh tui ngenpa kiangah ngen zaw ding a , a mah inanungta tui pia ding hi, Jesu in a cih ciangin, numei-in thukhuk thukpi hi-a, akhai nading phel na nei kei hi cikik. Zeisu'n thuman thutak leh khathu a gen ahi hi. A telloh manin Zeisu sang in Jacob a lian zaw in ngaihsun hi.

Ngaihsut ding:

Mission pen Conference sang lianzaw hiam? Mission pen Zeisu sangin lian zaw hiam?...?...? ATI maw Pasian, Conference?, maw SDA cih theology ah itun ding patauhhuai.

Thu Kawng heei:

Zeisu-in thu kawng hei-in numei kiangah napasal va samin ci. Pasal nei kei'ng ci-in anial hangin Jeisu-in "pasal neikeng na cih a man hi nga na nei khin zo hi, tu-a pen zongna pasal ahi kei hi" ci-in numeinu' kel luphum teng phongkhia. Numei-in thukawng heei nadingin, "sia aw kamsangkhat na hih lam ka thei hi. Ka pate un hih mual (Gazarim) tungah bia uha, no Jewte-in Jerusalem bekah kibia thei hinaci uh hi" ci leu leu. Jewte Pawl (organization)leh Samariate pawl tuam, namnih. Biakna thumaan pen organization tunga cihtakna tawh tukteh.  Jerusalem mawGezarim?: Jewte adingin Jerusalem bekah Pasian kibiathei, Samariate'n Gezarim ah ci-in aituam neih tuak uh hi.Jesu in "Numei aw, kei hong um in. Hih mual tung ahi a,Jerusalem ah ahi zongin Pa na biak loh hun uh hong tungding hi. No Samaria mite in na theih lohpi uh na bia un hi,kote in ka theih uh ka bia uh hi. A hangin hotkhiatnaJudahte pan ahi hi ci. Samariate lampial ahih maninMessiah ong pai nading leh pian phung ding inJewte masuan aki piak thu agen ahi hi. A Bia Taktakte:(Pasian leh mimal kizopna) "Ahih hangin a bia taktakte inlungsim leh thuman thutak tawh Pasian abiak hun uhhong tung ding tham loin tu-in zong a tung zo hi. Pasianin kha ahi hi. Amah abiate in zong thuman thutak lehkungsim tawh a biak ding uh ahi hi.

EGWhite Hilh Cianna ah:

Jewte bangin Jesu in Samariate giim neihlo ahih lam lehSamariate-in Jewte a elna zong a beisak nuam zia a lak hi.Samariate thu zuihzia ahawmthawh hi. Gupna thu lehMessiah ong pian na ding leh, azia a tongte teltakin apulaak dingin Jewte masuan kipia hi. Amahin pua thamleh biak ziate tawh buai-a manlah sangin abiate' lungsimlamto ding lunggulh zaw hi. Mikhat peuh in apianthak keileh Pasian gam amu kei ding hi, ci-in Necodema kianga agen thute zong tua mah ahi hi (Jhon 3:3). Mualsiangtho deuh leh biakinn siangtho deuh zongin tua panPasian biak hangin vantung tawh kizopna piang sak pahtuanlo hi. Biakna taktak pen muh theih puathaam biak lepaaizia tawh ki teh lo hi. biakna bek Pasian kiang pan ongpai biakna diktak A bia mite Pasian kiang a tun hi. Amahih biak taktak nad ingin a Khasiangtho tawh ih pian thakding ahi hi. Tua in lungsim leh ngaihsutnate thak suahsak in, Pasian theihtelna leh itna a hong guan hi. Amadeih nget mang leh azui ding lung gulhna zong ong guanding hi. Hih in biakna dik hi-a, Khasiangtho sepkhiat gahahi hi. Lungsim niamkhiatna tawh aki ngen thuumnapeuh mah KST in na puakin Pasian in a saang hi. Pasian azong mi omna peuh ah KST nasep ki dawkin, tua mitetungah Pasian ki langh hi. A hangin tua bang mite atate suah sak ding Pasian in lung gulh in a zong hi (DA189 Khang Cin Lung Deih).

Thu Khupna:

Hih atunga teng panin ih muh theih ding Pasian thuman(theology) Pawlkhat a nuai-a bang teng ahi hi.

1. Messiah pian zia leh anuntak zia lak khia dingin Jewtemasuan kipia hi. A Lim ciinpa Jesu sangin a lim ciing natethupi na sa zaw uh hi. Tua manin thu man sung pan mahin Jesu nanial kha uh hi.

2. Messiah ong pai khit a kipan a bia taktakte adingin munleh mual ciang tan sangin lungsim leh thuman thutaktawh abia mite Pasian in deih hi. Gup ngah hading biaknaah mimal Leh Pasian kizopna Thupi zaw cihna ahi hi.

3. Mission, Conference cihte pen nasepna ding kipawlna hi beka, tuate thamlo-in SDA Pawlpi nangawn in gupna apiathei leh ataan sak theih hilo hi. UMM/MYUM/SSD/GCcihte in abia mite leh Pasian kizopna leh gupna len theilohi. PS in lung sim leh thuman tawh biak deih hi. Gupna inTopa a ahi hi.