SIA MUNGNO LAIGELH TAWH KISAI A KI TUKALH PAWLKHAT
Conference Do Do Kei ni: Sia Mungno in Conference do nading lai leh mimal phin-na peuh in lai ong gelh zel-a, mipi a khem zawhna dingin thungetna le ki-apna aneih khit cianga Pasian Khasiangtho Humuap sawlna tawh agelh bang ding keek in thu pan se hi. Tua tawh kisai amanlohna lahkhiat nadingin ama lai-atna sunga, atheih zawhloh amanlo leh akileh bulh a dinmunte, a thulu dingin, tomlakik-in a anuai-a bangin kong lak hi.
THUNGETNA LEH APNA KANEIH KHIT CIANG KA GELH
Sia Mungno-in Conference do nadinga agelh laite pen Thu angetkhit ciang-a agelh ci se hi. A thunget khit-a ama lungsim sunga a lut khaa ih theihloh hangin, a pusuak pen Pasian Upna le muanna bulphuh kha hilo in ci leh sa deihna bulphuh kampau vive ahih manin ci leh sa khanin ahihlam kilang hi. Neknop luat manin aninsa voksa, ka nekma in
Thungen ing ci-in, asiang ding in deihbawl-a, na nek hangin, asiang suak tuanlo dinga, thungetna zong muibun lo ding hi. Sia Mungno lai-at zong tua mah bang hi.
THUKHEN ZUM A KI KHIATNA
1. Sia Ngo Kho Nang in Conference makaite Kalay zum ah 2 vei a khiat khit ban ah Min Lwin in Mandalay ah khia leuleu hi. Tua khit ciang in conference ten Chantagyi biak inn kalhna vai leh conference khawmpi ong nawngkaisakna uh kikhia pan hi.
2. June 1, 2007 ni-a, Sia Do Pau laigelh conference khawm pi Mission ten nawngkai sak cih tawh kisai in athuman kimu thei tuanlo hi. Kumpi permit pen March 30- Aprial 1 dong, zingsang nai 6:00
– 6:00pm dong hi hi napi Mission Sia Gin Do Pau, Sia Luan Ngaih Cin, Sia Khawm Thang (mualpi) te in necktie bulh zelzal in Pinlone hausa zumah March 31 Sabbath ni-in kikhop ong awnle-uh ci-in conferencete hong khia uh hi.
Conferencete kumpi khuan piakna bangin abawl hi ungh, ci-in Sia Kai Za Dal, Pa Thang Lian Khup in agen hang in Missionte utlo mawk uh hi.
Hausapa in kilemna ding thuhoih adeih sakna tawh kikhop hun tawm vein a awn un ci hi. Hausapa-in 2005 kuma hun ong khensaksa bangin Missionte kikhopna pen Pawi annek hun tawh kituak ahih manin, biakinn sung kizang zong hilo-a, kikhawm thei uh hi. Kumpi ong piak phalna pen (March 30, 07 – April 1, 07) ni (3) sung ahuang buppi conference te zat ding a kipia ahihi. Tua ni (Sabbath) 1:00 Pm pan azingciang bup ki
khawm zom-in nuamtak in kizo hi. Kikhopna dingin biakinntual bek kizanga, biakinn sung ki zanglo ahihman-in nawngkaina omlo hi. Sia Mungno in hih thu tel lo hi.
3. “Sia Kai Dal leh Sia Kham Khen Pau te in Sia Min Lwin leh kei thukhenzum ah hong khia uh hi” ci-in Muller in Sia Mungno tung-ah agen zong manlo hi. A khia pen Sia Kham Khen Pau bek hi. Missionte-in biakinn a mawk kalh ekek loh nading, SDA Conferencete-in zong amau lam biakinn
sung mahah akikhop theih nading deihna hi-a, a namtui, a hoih kikhiatna ahihi. Missionte-in biakinn teng amau bek-a luah nuam, aluah
zawh keh lah Conference te zat theihloh ding in kalhcip vet dinga ahanciam nam bang uh hi samlo hi. Topa Zeisu in “mi khempeuhte thungetna inn ki ci ding hi.” a cih tawh kithuhual hi.
PASIAN IN HONG MUSINSEN CIH KI PHAWKDEN HI LEH
“A kisem, akigeel, akigelh, akigen thu tampi te om het lo ding a hih bang buainate a om ding ka um kei hi.” acih tawh ki sai in Sia Mungno in ama lungsim bangin milungsim a om ding sakha hi. Apiangthu leh thuguikhun kigen ahih manin genlo ding, gelhloding cih thadah Pasian kiang-ah a kipulak ziahziah den hi zaw hi. Saw Htoo Kalet Bogyi ki neih cih khawng, Pastor Chawna in sia Sei Kho Hau kum 15 thawng ki khia, ci-a Conference vauna a neih khawng, etc., omlo hi leh ahi mah ding hi. Sia Mungno in a muhloh thu khuaigip meka amawk at-at hi zaw hi.
SITNII LAK VAI:
“Guta khat in gukeng, mithat khat in that keng” acih na ding in sitnii kicial Sia Mungno in sakha hi. Calcutta ah suaitawh akimatin sitnii a cial pen-uh pualo hi a cihsak dinga a cial hi lo hi. Aamahkhaan tawh aciah theih pen sitniite’ bawlsak hi. Gunkhawm-ah ongki man leuleu uha sitnii mah cialin ong suakta hi. Pua kei, khial kei a cih sak hi lo-in dan a neu thei penpen ding a geelsak hi. Zeisu zong thu-um mite sitnii hi (1Jhn 2:1) ih cihciangin mawh kei, khial kei aci hi lo in sitnii Zeisu in amawh na ken puaksak ing, maisak ing ahongci hi zaw hi. Eite pau khuan a om loh na munte ah sitniite bek pau thei ahih man leh dan a tawm theithei ding hong gensak ding in sitnii akicial hi zaw hi.
Thukhenzum ah “Pasian in mu sin sen” cih phawk lo Kalaymyo thukhen zumah Khawm Thang in “a manlo tecipang lo ding” acih pen palsatin Kai Za Dal leh a pawlte in Dec.10, 2004 ni in ciangzum leh tem tawi in biak inn ah hong pai uh in, vante hong sut uh hi ci mawkmawk hi. Tua ni-in amah om lo hi. Khatvei beek tua bang in kigamta lo hi. Gin Lam Cin in zong tua bang mah in gen zen hi. Vante hong apnuam ing ci-a, a sap hi. Sum ciante nangawn apna neilo in, a medical bill zong Mission pan sum kipia lo kim lai, sangsum pan dok ngam lailai hi. Ki-apna lai zong Board memberte min thuh, leh a ma minthuh zong om hi. Zuau phuak siate honghi pak uh hi. Saul Kumpi te tawh kibat khak loh nang Sia Mungno in laisiangtho context tel lo hiam? A tel mah a bulh khial hiam cih thu theih huai hi. Saul kumpi a sawl pen Pasian hi. Mission, Union, Division president cihte Pasian sa a hiam? Pawlpi Manual, Policy zuih ding hi lah ci bilbel napi, MYUMte UMM makaite Policy zuihloh lampialna aki zuih pih loh pen lah Pasian thu manglo ci ngam zel kawikawi hi. UMM/MYUM makaite pen Pasian-a ngaihsun ahi tam? “Ka dah bulpi” Sia Mungno in SDA pawlpi tawh kizopna agente lak ah “recognition zong kisam sesekei” acih pen kici ngeilo hi. Hong “recognize mateng ding ding” May 27, 2003 laikhak No.6, p.3 akici hi zaw hi. “Gupna taankei ni” ci uh hi ci’n Jan. 2,2008 ni’n mawhsakluatna kam ging khia sak napin, amahmah in “SDA pawlpimi SDA conference or SDA Mission na hih man in gupkhiatna ngah lian ding cih hipah tuan lo hi. Gupkhiatna pen Pasian hehpihna bekhi aa, Pasian leh amimal kizopna athupi peen hi”
ci-in tua laikhak na sungmah-ah thauhkhan kik zel hi. Tua banah, “Pasian pawlpi lang panna lian mahmah hi” a cih zong laisingtho gen tawh kilehbulh hi. Mang. 12:17 ah “Pasian thukham leh Zeisu tecipanna” langpante Pasian pawlpi langpang nacibek hilo a hiam? Policy bawltawmte Tin Tun, Mulla, Kenneth, Minlwin, Kai Khan Khual, Suak Kho Ngin etc. te Pasian sa kha hi ding hi. Dahna bulpi pen gupna taan kha ding hi zawlo ding maw. “Conference lamman tawh ngahzia ding peen Thualzen gaal laai aa Lamzang” Sia Mungnote unau in Daw Suh Kyi democracy movement kipatcil-in thupi sa lua in hawh zawzen uh hi napi amah sang a kum 20 val bang advance zaw, minam itna leh gam a ding veina tawh u leh nau nusia aa, nuntakna pia-ngam (self-sacrifice) zah a semkhia Sia Siangh pen zahko-in conference vai tawh hong zop pen leitung-ah hih bangin saikak ngam huai lo hi. Tua pen midangte bek thupi sakna Sal(Sila) Lungsim ahi hi.
Pahtakna leh minphatna ih piak pelmawh ding hizaw hi. Daw Suh Kyi pen Kawlgam adingin Noble prize kipia ahih leh, Zomite adingin zong Sia Siangh in Noble prize ngah tham mahmah zaw lai ding hi. “Zomi History-ah kimangngilh ngeilo dinga, Zomi Adventist History-ah zong
Pasian na a sepnate kiciam teh hi”, cin sia Kai Dal in pulak hi. Kaptel a ding biakinn, Zampi leh Nanphalong ading biakinnte a huhna, banah Chianthagyi bawlung tualpi ahuhna, pilna ding deihsakna tawh Ts foundation a huhna, banah kha zon nadingin sum leh paai a piakna hanga kha 50 val bang 2007 sung in kingah a hih manin, Zomi Adventist Patriarch(Khalam Pupi)te lak-ah zong phawk pen khat in kiciam teh hi cin Sia Dal mah in pulak hi. Sia Mungno pen Adventist sungah Second generation( a khang nihna) hi-a, kha veina lungsim a vom sangin Institutionalism oriented lungsim hat zaw hi. A gensiatpa pen First generation(a khang masa) hi-a, soul winning oriented lungsim nei, mi-it, nam-itna lungsim anei Pasian nasem mi ahi hi, cih mipi muhna hi.
Sia Mungno in Lawibual biakinn lamna ah Dr, Heuk manggilh liang zahin, amau sum kihel hetlo napi, a pa leh a sanggamte’ min peuh at mawkmawk zah in Min deih lua khat ahih hi. Min deih luatna in pialna lianpi hi.
“G.C ah delegate paisak huailo hiam?” A thukhual leh adeihsak lua bang khat in Sia Mungno in conference makaite GC tawh kimuh ding thusung ding in “Mission, Union, leh Division” te thu a mangnuam lote adingin a om lai sun zol-a pulaak ka hihi ci deep napi-in amah leh amah kinial pah phot in “GC tawh akizom Mission ah hoih tak in na lut kik un cih ding longal hong gending uh om lo hi” “dawn tak a sa lo uh hi zaw ding hi” a cih te thu nung thuma kituak lo hi. Mipil kam pau hi ve maw GC in “a dawnkik na uh kiza nailo hi” ci zel keei hi. Sia Mungno pen GC tungah thuneipipen khat dan tawh hong ki bang zel hi. Ki niamkhiat huai zaw lo hiam? Pr. Albert Gulfan pen Division president bek hia, MYUM forward masak lohin, ama’n conference apia pah thei zong hilo hi. SSD EC sep ding hi bek hi. Sept 16,’03 a Kalemyo ong pai lai-in zong Taungzalat Hotel mai ah “My next coming will be inauguration ceremony of conference” (kong pai kik pen conference honpawi hi ding hi) ci-in Kai Za Dal tunga a cih pen Pasian in mangsak tuanlo ding hi. Mungno pu Kayin te’n zuau leh letsong tawh na zo gawp uh in, Mungno bel tuate kipawlna pan bawk khat pia ahih kei leh hihzah-in khut tung lumleh bang lo ding hi. May 27, 2003 in SSD Presedent tungah Sia Kappau, Sia Mungno, Sia Pau Khan, Sia Thanglam te-in lai a khakin Sia Mungno in Policy a thei nailo hi lo hi. “We know that there are policies and procedures to follow to become a conference as guidelines. However, they are not absolute and not unchangeable but are amendable base (sic) on the unique situation on each issue.” Conference suah na ding lamlakte zui-in policy leh sepziate om hi cih thei ung . A hizong in tua te a mang theilo, a kikhel thei lo hi lo in a thupiang zui-in amun tuamdeuh tung ah kibulphuh a kipuah pha thei hi ci uh hi lo hiam? 1994 kum in Section/Mission ahi ngei nailo khat zong Gujarat conference (India) ci-in bang hangin adangte hi thei ahih leh, Upper Myanmar adingin Conference hitheilo ding hiam? (Why should not Conference be Possible for Upper Myanmar If other can) ci’n gelh uh napi, Amau unau longal a kua tawkik uh hiam? Sia Khan Zam Vungh in amau unau kawk in “saizang
te makai ding in muanhuai kei” a cih ciangin aheh lam aki phawk lai hiam? Conference a kipia kha hi leh ama min dawk masa ding deih lua ahi zaw diam? kei laikhak tawh kingah hi ci nuam lai ding hi. 1987 kum a zong ko unau makaihna hi a cih zel hi. “Pawlpi mite khem selo-in siangtak aa tuam din vet ding” Pawlpi mitte-in thuman a theilua hi. Sia Mungno-in Pawlpi mite a
khemkhem, a nihveina hinapi kuamah khem zolo hi. SDA hihna pen Mission leh Conference lutna hilo hi. Ki tuiphumna hi cih Sia Mungno in thei buang leh kilawm sa-ing. SDA Mission tawh kipawl lo mah-a SDA Conference-a kituamdin vet mah hilo maw. “Mi pi cin vai zaw lai” ci
hilo a hiam?
“A sign of great immaturity”
Sia Siangh in “GC ten lah a tuu mang kan lo in upadi bek tawh kapkap mawk” a cih pen picinlohna khat hi ci-in Sia Mungno in mawh sak hi. GC pen Pasian ahiam? Sia Mungno gen mah bangin thu kiza nailo, tuute kan nailo mah hi lo hiam? A kanlo mah uh thuman agen hi zaw-a, thuman pulak ngam pen prophetic function kician tak a sepna hi-a, a MATURE na khat mah hi. Maanlo thei gige napi, a mipihte lehdo ding molhtum banga azat theih dinguh mi zonna in lungsim kawi tawh
nelniknek-a phattuamna kamkhap bek lametna tawh thuman gen ngamlo-in, kimuhmawh bawl-a, pum gup ding sawm mawk pen maturity ih sak khak hangin, ZUAUSIAMNA leh INSTITUTIONALISM bek tawh mitmang gawpzo cihna hizaw-a, Pasian mai-ah IMMATURITY hi zaw hi. Ui bang in a luak ne kik, vok bangin a siankhit ciang buan lak-ah abual kik a hih leh amah zong “immaturity” pan peng thei tuan ding maw. Policy-Khuttung lumleh bang leh tungman bang Policy ahek kawikawi nuam pen Sia Mungno hi zaw hi. May 27, 2003 ni a, a lai gelh leh Jan.2,2008 ni aa lai-at te saikak in. Khut tung lumleh bang hi. Numei khat tenpih ding ci-in SDA ah a kituiphumsak ban-ah a mintuak-uh (Mungno le xxxxxxxx) at-in tawhtang kepna (Key chain) a bawlkhitsa nangawn a kheltawm ngam gawpgawp cihte pen,
KHUTTUNG LUMLEH BATNA leh policy pen tungman banga deihdeih-a meekna hi zaw lo diam?
SDA PAWLPI LOGO VAI
Logo pen Sia Mungnote adingin, a pupa gamhluah hi lo hi. GC sawl zong hilo hi. SDA pawlpi kihi ahihman a kizang hi. “Logo vai ngeina aom diamdiam” acih hiven,en toto lai ni, na ngak lai un. It na leh Deihsak na takpi Sia Mungno in Itna leh deihsakna tawh hihzah in hong bawlsia-a, ong khem ahih teh hong it kei zen leh nasia ngel ve. Hong that mang mai ve. Muktung kamsiam (lip service) hilo in itna takpi tawh sepna (heart service) kisam zaw hi. Hong it takpi ahih leh bangzah ciang hong panpih ngei hiam?
Sia Mungno in May 27, 2003 in “SDA upna pan lampial na hiloin, makaite Conference piak ding nialna hang hi. Akipiak kei leh Khialhna lianpen hiding hi” cin SSD President pa a to ngam liang ahih teh Satan gualzo sak kei ni (We should not let Satan wins(sic) the battle) ci-in a gen pen, tu’n Satan gualzosak ni ci-in panmun a naklak mahmah tawh ong ki bang kik zaw hilo hiam?
SIA MUNGNO IN KHEMNA LIANPI PROPAGANDA KHAH
“Ih it mahmah SDA pawlpi ki-uk na thusim lo-in ih pawlpi nusia paisuak in tuamdin ding zolzol ta in lampial beh ding kipan taktak ta uh hi” ci-in mipite lungkiat theih nading a muibun pen ding galhiam khat ci a hong khem ahihi. SDA Pawlpi Thuguilet banah, ki ukna ah zong “ai-awh ki ukna” kibulphuh hi. Muller, Memory te hong dal hi bek aa, eibang lel mah Conference akisuaksak tampi om hi napi, Muller—Gin S Mung Alliancete(Kipawlna) hang a zekai toto hi bek hi. “Ih pawlpi a toknawi kipawlna Conference” acih ngam zong a pau masakte phawk nawnlo hi in teh. Conference in toknawi lo-in mimal angsung bek azong Sia Gin Sian Mung leh Muller Kyawte toknawi hizaw hi. Sia Memory Tun-te in vanleng kuan pan na dawm uh in video a na
zaih pen thupi sa lua in, Conference te’n “hong dawn lo uh” ci-in mawhsak hi. Kumpi ulian kisa kha aitam. Kiniamkhiatna lungsim nei makai khat mah ahi hia leh? A mi pihte tunga molhtum ding a mikhemna a tel zolo ahi ve. “Ih pawlpi in leitung bei dong in SDA Conference Status hong pia ngei lo ding hi” acih zong amah kamsang hiam?, a kipilsak lua hiam? ngaihsut huai hi. May 27, 2003 a Sia Mungno in “Why should a possible thing be made impossible in the Adventist Organization, that is, for Upper Myanmar to organize as a conference?” (Adventist kiphuat na ah
a piang thei khat pen apiang thei lo ding in kibawl hiam? tua pen Upper Myanmar Conference khat a kiphuat ding ahihi) a cih tawh saikak leuleu dih ve. Eimi khat kihausak lua in “ka khantawn mang ning” acih vial leh tua kum sung in Mandalay-ah mawtaw accident in si citciat hi.
A khantawn mang zizen mah aive. Kamlian pipi mawk zat zong ki dawp huai veve hi. “Leitung bei dong….hong pia ngei lo ding hi” cih zong deihna tampi akawk dingin kikhia thei hilohiam?
Backgear neilo cikei un. Backgear kisam mahmah hi Biakna ah back gear kisamlo hi, zong hi thei lo, piang thei lo hi. Hun koici back sak thei ding na hiam? A kisam pen ‘neutral gear’ or ‘zero(o) gear’ hiphot aa, a hekna (steering) ahi lungsim utna longal tawh manawh thak ding piang thei lo hi. Kisik
kikna (repentance) cih pen Pasian deih back gear” hilo in neutral gear pan manawh thak(new direction) lakna hizaw hi. Kisikkikna pen, backgear(nung kikna, nungtolhna) cilo-in “turning away from sin”(mawhna nusia-a mailam zuatna)na ci zaw hi.
THU KHUPNA :
Tu a ki pan in
1. Conference vai paulap-in mimal mawhsakna, kawkna, leh kona zang nawn kei ni.
2. Hih conference vai paulap in kipumkhatna aphelkhap leh mimal ki muhkhialna apiangsak thei akisailo thudangte tawh sawh pawi kei ni.
3. Hih conference pen pawlpi mungtup ahih mah bangin atamzawte’ deih, leh apiang thei (a hi thei khin) a hihmanin Balaam leh Judas dan in sem kei ni.
4. Mawtaw hawl siam mahmah khat pen ih khamtung-ah, driving licence a neih loh bek paulap in hawl theilo hi, kicing lo hi, letmat nei lo-in hawl kei hen, ci bekbak tuan nai kei ni. Tua hi leh cik ciangin ih tunnopna tung zo ding ihi hiam?
5. Ih ki koko ciangin tua-in mualsuah nading tha pia lo zaw ahihmanin, thungetna leh ki-apna, huhna leh piak khiatna, veei na leh sepna tawh pan mun la tekin ih pawlpi leh ih minam adingin sem tek ni. Ih tu leh tate khan teh ci pan lo-in ei khang mahmah in muta (ding) hi hang.
