Sanpya
Clinic Huang Azuak Kua Hiam?
Thupatna:
Sanpya
Clinic Huang tawh kisai khen 8 suah-in Sya Mungno laigelh tawh kisai comment
pawlkhat le phawk ding thuman pawlkhat kong gelh hi. Tuate in Sanpya Huang
leina vai, Sanpya Clinic Mabing, Sanpya Clinic Telephone vai le, Sanpya Huang
aki zuakna ahang bang hiam cih thumante lahna ahihi.
Sanpya
Clinic Huang Zuak Taktak Pen UMM/MYUM
1. Sanpya
Huang Leina: Hih tawh kisai-in, Sia Mungno genna ah, Sanpya
Clinic Huang pen amau Tithe piak ding tawh kilei ci hi. Tua alei lai-in tithe
in akhiat dinguh sum danin gen hi. Tua hi leh, tithe pen amau in amau utna
danin a zang suak dinga, azat khit ciangin justify nadingin adangteng a sem kik
suak hi. Tua hileh, MUC-te akimawhsakna le tua gamtat-te kilamdanglo suak ding
hi.
2. Sanpya
Nasep Mabing: Hih thu tawh kisai-in Sia Mungno gen mah bangin
Dr. Po Tawda a ciah khit-a kipan Sanpya Clinic a hingkik zo nawnlo suak hi. Dr.
Po Tawda pen mipil le mitei khat ahihmanin azang nuam tam hi. Ong paitoh-in
zong kha 6 sungbek mah sem ding ci hi. Tua kha 6 pen 1991
May-October
ciang ahi hi. Aciah-in Pr. Samuel Po in sam-in KNU HQ ah paipih hi. Ahangin
1990 kum Kawlgam kiteelpi ah NLD in me 84% ngah hi. Gaalkap kumpi in Parliament
sap saklo hi. Tua tawh kizui-in KNU in gaalkap kumpi do dingin Bogalee ah lut
dingin geel uh hi. Tua ciangin KNU makaipi Bo Mya (SDA) in a minamte adingin
sam-a HQ. ah nasem hi. HQ pen Kawlgaalkapte in a lak ciangin Thailand, Maela
Camp ah busa-in nasem-a, 2008 gual in ong sihsan ta hi--Mipil mitei Dr. Po
Tawda in UMM Pasian nasepna ading sangin a mipihte ading in deihsak zaw hi
cihna ong lak hi.
3. Tulai
Sanpya Clinic le Huang: cih thulu nuai-a No (1) sungah, Sia Mungno gen
Sanpya Clinic Phone tawh kisai-in Mission sia Pr. Ngo Bem in Conference-te mi
giat( Kai Za Dal, Kam Kham Mung, Gin Khan Sing, Cin Suan Mung, Langh Khan Suan,
Thang Za Pau, le Kham Khen Pau)te Criminal Code 403 tawh Kalemyo Township Court
ah April 2007 kumin thubawl hi. Thubawlpipa le a tetcite kidot ciangin,
“Telephone pen Kai Za Dal in ama aangsung phattuam nadingin zang hi,” ci uh hi.
Tua ahih leh tua phone pen Kai Za Dal in a inn ah tuah-in sumlakna-in zang
hiam? tua phone pen tu-in koi ah om hiam ci’n Sitnii in a dot ciangin; Kai Za
Dal in a inn ah tuah kei, Kale-Pinlon biakinn huang sungah om hi, ci uh hi. Tua
phone tun akizang hiam? cih a dot leuleu ciangin kizang kei, kumpi in khak ci
hi. Kumpi khak ahih manin Kai Za Dal angsung zat cih thu lut theilo ban-ah
Conference-te khaktan zong
hilo
ahihmanin, atunga mi giat-teng zong Tazazum in mawh piak ding mulo-in Aquital
in suakta sak hi.
Sanpya
Clinic om nawnloh ciangin, tua phone pen UMM phalna tawh Kalemyo Pinlong
biakinn huang-ah kituah hi. Buai ma in zong phone letzia khat vei buai ngei hi,
tua pen kong gelh nawn kei hi.
M
le C ong buai ciangin tua phone pen Paangpi Upa pa Nangkuk in tuahtoh dingin
kumpi zum-ah ngen hi. Kalemyo ate in a omnalui mah ah om dingin ngen uh hi. Tua
ciangin Pr. Kai Khan Khual(sia Khual), UMM Secretary in Taing Setuaizi zum-ah
kankuat-in tua phone phiatsak hi. Tua phone pen Pr. Kai Khan Khual in Sanpya
Clinic Manager a sep lai-a kilei hi-a, ama min tawh register-in om den ahi hi:
Amin neipa in phiat hiziau lel hi. Kawl paunak ah, “Ma-sa-zah tee neh pet” acih
bang ahi hi. Tua manin tua phone a sihna pen, Conferencete hang hilo hi.
4. Sanpya
Huang zuakna: Hih thutawh kisai-in, Sia Khual in Health Ministry training
phual dingin geel, tua adingin kizuak, Ks Tein 450 tawh alui gei lamteng zuak
ci, in Sia Mungno genna tawh kisai-in: a paulapte uh pen thuneu lua hi. Apaulap
agenna ah, (1) Gunkawm lampang ngakhuk omna lam pen tui khang thei zel-in buai
ci hi. Tui khan pen manmah hi, ahizongin tua hangin nakbuaina om ngeilo hi. (2)
Veng le pamte gan kihuzo lo cihte hi. Huang ki umleh, gan lutlo ding hi ziau
lel hi.
Pr.
Ginkok laigelhnate sungah, Conferencete buai khit-in UMM-ah pawlpi mi khang,
Tithe zong Ks Tein 2,000 bang kingah ci hi. Tua sungpan Union apiak ding 45%
dok-in, Division pan kumsim a ngahbeh appropriation tawh gawm
leng, sia khasum ban-ah, kintakpi uh hileh, Sanpya Huang puah lah nading omlo
zaw hi. Tua ban-ah kumsim-in tua Sanpya Huang puah nading budget UMM in geel lo
hiam? Gamthak a keekna lah kimulo hi.
Pasian
sum mantakin zang uh hileh, Health ministry training ading le Sanpya Huang puah
lah nading omlo zaw hi. Tua ban-ah kumsim-in tua Sanpya Huang puah nading
budget UMM in geel lo hiam? Planning dangteng khawlsak in thukhenzum adding bek
budget suai uh hiam? Gamthak a keekna lah kimulo hi. Andrews University-a
Church History Department Head asem ngei Dr. George
Knights
in SDA sunga makaite in, “Minoring the major and majoring the
minor” in nasem acihte nam hi. Agamkeekna uh pen Kumpi zumte le
Thukhen zumte bek hi-a, SDA message genlo uh ahihmanin evangelism ading
gamkeekna zong hibeek lo hi. Tua ahihmanin, a sum zatna-uh pen Pawlpi ngiimna
ah zoanglo uh ahihman-in Pasian sum thangzat/lehzat(Missmanagement) hi. Tua
adingin a khensat UMM/MYUM Committee in Pasian tungah phisian ding mawhpuakna
lianpi nei uh hi,cih na ngaihsun ngei hiam?
Taza
zi zum azat ding sum thupi sa zaw uh ahih man-in UMM neihgil (Sanpya Clinic
huang le Zii-chansuh, Anisakhan, Pyin Oo Lwin-a acre 3 dektak apha huang lak
pan) Sanpya huang zuak uh ahi hi. Sanpya Huang zuakna liang dingin UMM in Tithe
income le non-tithe neilo hiam cih ngaihsut ong kisam hi.
5. UMM
in Working Capital neilo: Bang hangin sum zatsam zawzen hiam? Thukhen zum
ah tam zanglua hi. Bang hangin Union in a khutnuai-a unit khat ahi UMM sumzatna
guide lo-in awi-am mawkin, leeipi ba sak hiam? Hih dotna dawn nading pen a
tuamtuam om hi. Sia Mungno in bel Conference-te in Mission neihsa tuh
ahihmanin, Court, Lawyer, le legal ading sumzat tam ci’n Mission bias in
Conference-te
mawh sak hi. Tua pen bias lungsim tawh Mission pum gupna ahi hi. Alangkhat-a om
thuman ngaihsun khalo hi.
2004 January
in Singunau ah mission workerteng tawh UMM/MYUM in Conferencete
disbandment pia hi. Tua thu laitawh hawm, kumpi zum-ah puak uh hi. (2004, May
kha bei-in Pyin Oo Lwin ah Pr. Muller pen 1000 MM sangkhakna ah ong pai-a Pr.
Sony Htain in ong kihosak hi. Tua lai ah zong dialogue ding ka ngen hi. Khat
veiteitei kimuh kul ding hi ci napi bangmah semlo hi. Tua sangsik in UMM
workerte in kumpi tungah thu abawl nadinginSpecial Power of Attorney pia
zaw behlap hi.
2005 sungin
Kumpi zum Yatkwet, Myone, Khazaing, Taing, pan Religious Affairs,
le Kawlkumpi zum sangpen SLORC zum dongah kumpi in Conference a phiat maimang
nading laiphah kawi kawi uh hi.
2007 March
26 in Kalemyo Thukhen zumah, Sia Go Beam in Tayalu sem in Kai Za Dal
le Kham Khen Pau khia hi. April 11 ni-in mi 8 khia leuleu hi. Tua khit May kha
in UMM President Pr. Min Lwin in Mandalay ah, Kai Za Dal le Conferencete Civil
Suit bawl leuleu hi. June kha in Gin Do Pau in Conferencete mi 8 khia leuleu hi.
Tua
ciangin Kai Za Dal le Kham Khen Pau in MYUM Officers Pr. Muller Kyaw, Pr.
Memory Tun, Sia Nang Do Dal le Union Department director-te address in,
“Thukhen
zum kitun hoihlo hi, Lai Siangtho, SOP(Christ Object Lesson, laimai
70 qoute-in), Church Manual,… in deihlo hi. Hunbei, Pasian sum bei, kihuatsahna
khangsak hi, tua ahihmanin Christian dialogue khat nei ni, cin Jesus min tawh
kong thum uh hi,” ci’n English-in gelhin ka khak uh hi. Ngah napi
uh, dialogue nei nuamlo hiam, bangmah ong thuklo uh hi. Kaalkhat khit ciangin
tua lai pen SSD ah copy ka khak uh hi.
Hihte
I etciangin, Thukhenzum atuh, Pasian sum bei pha mawh a salo pen MYUM leader-te
ahi hi. Tua banah,
2008 January
in UMM/MYUM khutzat Mandalay Myothit-a om Saw Htoo Glae(Glae Htoo)
pen
Tua
thute ong om ciangin, hihbang nasepna in Pawlpi buaisak, thamlo-in mindai sak
hi, Union in kho un ci-in Union ah lai ka khak uh hi. Copy pen SSD zong ka pia
uh hi. Khoh sangsik in Kawlgam bup avak kawi-kawi in a sawl thei
nadingun, Union Evangelish in koih uh ci zaw lai mai hi. Hihte adinga sumzat
pen banghangin Union in awi-am hiam? SDA Mission Statement tua ahihiam? Pasian
tungah aphisian dinguh mawhpuakna nei uh hi.
6.
Hihte I etciangin, Upper Myanmar Local Mission in leeipi ba ding, amah le amah
dingzolo le dingzo taleh, Union “taw liak ding” in a om den dingin
Union
geelna hi. Tua bang hi leh, UMM pen leeiba tawh kinelhsiah den dinga,Conference cih
thadah Complain na-ngawn a nei ngamlo dingin, pilvaang takin
Union in ageel ahih lam tak muh theih ding thupi hi. Tua banga a sep pen uh
Pasian na sem akisa uh-a office le institution a khangto abat hangin khalam
hinna omlo hi.
MYUM
in Conference Do Nadingin Sanpya Clinic Huang Zuaksak
1987
in UMM in Conference ngen, Division in kinpih.
Pawlpi
mi sungpan Conference pian nading Committee Mandalay ah ki organize: Kai Za
Dal, Langh Suan Thang, Pau Za Khan, Khan Zam Vungh cihte kihel.
1992
in UMM EC in Pr Thang Siang le Pr. Sandy tawh Conference ading remind na vote
la-in Union forward.(Tuama Union Session ah Union makaipipa in trick khat ong
zang-a, UMM lay ahi Mandalay khua mi U Kan Nyunt, pen ama mun ahilo Yangoon pan
Nominating Committee member dingin lutsak mikmeek. Makaite in Policy
zuilo-ahimanin buaina kipatna tuate zong kihel hi. Tua vai alungkimlo UMM Layte
in Division ah tua thu laigelh in zasak.
1993
in Conference alangpan Union khutzat Pr le Lay mi nih in Conference ading
makai, Division ah Unionte maanlohna azasak minthuh lakpan makai mi 13 teng
Mandalay-a Military Intelligence (MI) zum ah khia: a paulap uh pen, Upper
Chindwin Liberation Movement hi, India gama Zomi Gaalkapte tawk kipawl, cin
zuau phuak in khia. Apaulap uh manlo ahihmanin bangmah thusuak lo.
2001
kum Union session ah Pr. Tin Tun in GC Policy thak ci-in, Trick zang leuleu-a,
Nominating Committee member pen Union EC in sehsak. Kilungkimlo. Buaina kikhol
toto.
2002
January in Singunau Khua SDA biakinn-ah, UMM Session om. MYUM President Pr. Tin
Tun in tua trick mah zangkik. Mipi lungkimlo. Policy hilo ahihmanin mipi
alungkim lo ahi hi.
2003
April in SSD in UMM buaina lem. September 24 in SSD pupi A. C. Gulfan Jr. in
Conference deihte le UMM Mission officer-te guidline pia. Tua zui-in Conference
kalsuanto khawm dingin Conference-te le Mission Officerte(Pr. Min Lwin, Pr. Kai
Khan Khual, le Siapi Thang Lam Mung) in September 25 in Kalemyo-Pinlong
biakinnpi sungah gentlemen agreement( kithukim) bawl napi, October kha ciangin
Conference-te paikhia ding cih gingsak.
Tua
ciangin Conference pan Khualzanang Yangoon ah palai in kisawl-a, atunga
“conferencete pai khia ding cih vai, leh kithukimna omsate kipsak zom” dingin
MYUM pupi Pr. Muller Kyaw kikuppih.
December
29-31 dong UMM Session, Sing-unau ah, Union Pupi Pr. Muller in Policy zuilo in
nominating committee member pen mipi theihlohin EC tawh telziau. Buaina kipan.
Conferencete hawlkhiat dingin atelthak uh UMM EC ah thusung, vote zolo. Tua
ciangin Workerteng secret ballot tawh vote sak cinapi min gelh sak-a Conference
paihkhiat ding mah Zomite in deihzaw cin gingsak uh hi.
2004
January 1: Conference deih pawlpi 7 khawng disband bawlna lai hawm, kumpi zum
ah puak pah. Conference-te in January 15-18 sung meeting bawl
in
Disbandment UMM khensatna puah in pawlpi mite tawh kikhut let kikding UMM ngen.
UMM in thuk lo.
April
kha in apawlpi ciat ah disfellowship bawl dingin Pastorte sawl: Kale circle ah
Pr. Kai Khual le Liandal; Tiddim circle ah Pr. Ginkok; Tonzang Circle ah Pr.
Dothang le Minlwin tea hi uh hi.
2005
kum in: Conferencete phiat maimang dingin Union le Mission in Kumpi zumte huhna
ngen. State Law and Order Restoration Council(SLORC) zumpi Yangoon dongah
Missionte in Conferencete khia. Missionte khiatnateng Conference in
Phisianchiat thoh-in amau khiatna tengah laikhia-in, thusutna nei.
2007
kum ciangin Thukhen zum ah Mission in Conferencete khia. Kai Za Dal le Kham
Khen Pau in Christian dialogue nei dingin Unionte kiangah thumna lai pia, Union
in donlo. Thukhenzum ah khiatbehbeh zaw lai.
2008
in Galkap Thaulanzi bu kineih mipa sawlin sumlom tawh Conferencete khia
kawikawi.(Hih thu ka theina pen Khampat pan U Kyaw Sint vai-a, Kalemyo District
Police zum ah thudotna a om ciangin ka tel ahi hi. U Kyaw Sint le District
Police Officer-pa pen galkap sungah na semkhawm ngei na hi uh hi).
Hih
bang geelna pen MYUM in UMM khutzatin abanban in semto uha, tua adingin Pasian
sumlompi mulkim lo-in zang ziahziah uh hi.
Thukhupna:
A
tunga thuteng hoihtakin a ngaihsun-a thupilna aneite, pianpih BA-te in thu
omziateng telcian khit ciangin, “Kua in Sanpya Clinic Huang zuak hiam?” cih
dotna dawng leh thuman ngah pan ding hi. Missionte pen gaal doding-a operation
kuan uh ahi hi. Mission in zum tun ding a ut-teitei man-in Conference-te pen
amau le amau aki dalna-in gaal anang defensive line ala uh hi bek hi. Mission
pumgup Conference pum paih pah lo-in, atunga evidence-te in buhlei lai-a saai
gamta bang zahin Sanpya Clinic Huang zuakna ahang kilangsak khin lel hi: MYUM
in Conferencete thumna kin hileh, Kumpi Zum le Tayazyi Zum kitung lo ding hi.
Tua hileh Tayazi-ading sumlom zat kullo ding hi. Tazazi ah Sum lom zang keileh,
UMM in Tithe Ks tein 2000(tein Tul nih) le SSD Apropriation zangkhop dinga,
Working Capital tasam lo ding hi. Tua hi leh Sanpya Clinic Huang zuak kul lo
ding hi.
Tua
ahihmanin Sia Mungnote Tithe tawh akilei, a ithuai, UMM neihgil Sanpya Clinic
Huang azuak pen UMM/MYUM hi cih lamtak nap hawk thei uh hiam?
“Kotgol
phui-gua ziing lai-ah, Tedim Pum Za Mang,
Simlu
saai bang na lap aw,
Batphu
mang pon te..” cih Thahdo la ahi hi.
Akhiatna:
“Kotgol” cih pen tanglai-a kongkhak(kot)-te le huangumna gawlte bilnei-in, tua
bil sungah zawl kigolh hi. Tua bang huang bit sung le gua(phuigua) lak-a maang
Tonzang innpi pa in a tungnun pen hun laitak-in a gaal mat-te lutang a aih
cianga, a guallelte in a thuaklahna-uh pulakna la hi-a, khitui tawh papite’n
asak uh la luui mahmah khat ahi hi. “Batphu mang pon te” cih pen “phu bat” “a
thuakkik ding leeiba” “a nung a zui ding a gau mang lo ding hi” cihna hi.
UMM/MYUM
in Conference deihte thumanlopi tawh disbandment pia in, Committee tawh khensat
ziahziah hi. Division mai leh GC mai-ah Church Protocol hangin mawh baanglo
bangin om thei uh hi. Thamlo in thukhen zum-ah, neihgil gamgil zuakin
sumtampipi tawh Conferencete lutang la-in, ai liang uha gualzo kisa mahmah uh
hi. Tua bangin gamtatna tawh agualzawhna-uh pen Vantung-a Pa in awi tuan hetlo
hi, cih mimal-in keimah ong lahna ahi hi.
“be
creative rather than copier” acih le GC-te ahanthotna ah eite pen “protestant”
ihi hi acih tawh kilehbulh hi.
[3] India
pan phone tawh a kihona khat-uhah, Pr. Saw Memory in 2010 May kha-in,
Conference-te thukhenzum ah akhiatnate uh tawh kisai-in, kilemna bawl dingvai
proposal akineihna khat-ah
“We
must protect the Church until dead. . .” ci hi.
Pawlpi
hulua akinei uh hi-a Church authority a zangkhial uh hi zaw hi.
