MUC

Print Friendly and PDF

Saturday, September 13, 2014

Pawlpi buaina banghang

Kham Khen Pau <siakhen777@gmail.com>

Dear Laisimteng,

Pawlpi le Theology lampialnate

RC THEOLOGY LE PROTESTANT THEOLOGY

RC in RC pawlpi sungbek-ah Kha Siangtho om hi, ci uh hi. Protestant-te in, Kha Siangtho omna peuh-ah Pawlpi om hi, ci uh hi.



1. RC a thahat mahmah laitak uhin, "RC pawlpi bek pen Pasian pawlpi hi-a, RC PAWL sungah Khasiangtho teng hi. Tua ahihmanin RC pua lamah gupna omlo hi, ci ngei uh hi.RC sungpan taikhia or ong kihawlkhiat leh Gupna omna pawlpi pua atung nahi-a, gupna taan ding na hi hi ci uh hi.

Eizong SDA sungbekah gupna om hi, SDA Mission lo-in /Conference lo-in gupna kingah lo ding hi, cih ipom leh, RC theology alehlak isuak dinga Back to the Romanism hi ding hi.

THU NEIHNA DEIHLUAT MAN-IN PAWLPI LAMPIAL

AD 400 kim ciangin, Rome-a Latin Bishopte in, Greek, Coptic, bishopte tungah thu aneihnop mani, Peter in asih kuan ciangin Jesus piak tawhtang pen Rome-a bishop pa ap hi. Tua tawhtang pen Rome-a bishop khutsung bek ah om hi, ci uh hi. Tua pan in PAPA(Petru Apostolis, Potestium Accipien) cih ong piang hi.

Tua khit asawt lo in Constantine in Vatican zumpi Bishop Silvester a apna lai ah "VICARIUS FILII DEI" gelh hi cin, Rome bishop pen Pasian Aitang a ding danin thu phuak uh hi.

Hih thu nihte pen Papacy i ki-ukna thukhun bulpi ong suak hi. Tua in mitampi that sak hi.

2. RC Pawlpi in Pawlpi ki-ukna athupi sakluat nop manin,"Rome a bishop bek Peter tawhtang alen hi. Tuapa thu pawlpi bishop dangte(Alexandria, Jerusalem, Antioch, Constantinople bishopte) in niallo ding hi, ci ngei uh hi. Rome a bishop pen khial thei ngeilo (INFALLIBLE) hi ci uh hi

Ei zong SDA MYUM Unionte thu nial loh ding hi, acih bangbang uh man ding(taw liah ding) hi icihleh, RC-te thubul ahi INFALLIBLE a pom ihi dinghi. Union makaite mihing mah hi-a akhialhna uh tampi om hi. EGWhite in 1902 kim lai-in "GC president Butler  in a President hihna pen INFALLIBLE (a khialngeilo hihna) in ngaihsun kha hi," cin na mawh sak ngei hi.(Review and Heral Article sungte ah sim leng kimu thei hi)

SDA Theology ah INFALLIBLE a nei pen Pasian bek hi cih ipom ahi hi. Committee-te zong khial thei, uliante zong khial thei cihna hi. Union zong khial thei, khial khin zaw, kipuah sawm lo hi lai zaw hi.

Union makaipite in sum tawh akhutnuai-a siate, adiakdiakin UMM sia pawlkhat Ks 50,000 sanga tamzaw huh zel thei hi. Tua manin mitampi in Union cih bangbang aman den dingin ngaihsun kha hi. Tua pen KIMEEL THEIHNA TAWH KHEEMNA  namkhat ahi hi.

Khat le khat kihuh pen sialo hi. Ahi zongin, tua huhna in thuman ong iipsak leh or onghuhpa sawltak nasuah leh,, tua huhna(sum le paai ahi-a na khat peuhpeuh ahizongin) pen, nang adingin, Barak golhguuk a la kamsang Balaam dinmun ahi hi. Balam pen Pasian kamsang hinapi, Barak golhguuk hangin Pasian in mawh sak hi.

Thukhupna:

Tua ahihmanin, Zomi SDA mitampi in thu ngaihsutna izat siam ding thupi hi. Sila lungsim pan suahtak ding thupi ding hi. SDA pen Protestant ihih mahbangin, Sunday manlo ciin i Protest mah bangin, kha vai tawh akilehbulh MUC or MYUM-ii Hirarchi manlote zong thuhoih tawh i protest/reform ding kisam hi.
__._,_.___

To get the latest update of me and my works

>> <<