Tu laitak MUAS omzia leh thu buaite apiang khiasak leh a uang theithei aa aki sepkhiatna zungpi te ih theih kim tek ding deih natawh, athu aki cing khin kei phial zongin, mimal in ih tel theih nading in kong zasak hi.
MUAS Tang thu atom in.
Hih sang aki phuh khiat ciil kum pen 1938 kum hi aa mi tawm cilik khat tawh aki pan khia ahihmanin sang neuno khat ( a small Seventh-day Adventist Mission School) in hong kipan khia hi. Tua hun lai iin mikang te leh Dekte vive in, sang siapi hong sem toto uh hi. Adventist pawlpi phuh ahih mah bangin Seventh-day Adventist Mission School ci'n min na ki vawh aa, 1990 kum panin, tu kum dong MUAS(Myanmar Union Adventist Seminary) ki ci hi.
Sang min ahun tawh kizui aa aki lawh dan te in:
1938-1966 (Seventh-day Adventist Mission School)
1966-1976 (Seventh-day Adventist Bible Seminay)
1976-1990 (Union Bible Seminary)
1990- tuu dong (Myanmar Union Adventist Seminary)
Atung aa ih gensa mah bangin, 1960-1971 kum sung pen mikang te'n siapi hong sem uh hi. 1971 pan in Karen te'n sang siapi sep hong kipan iin 1976 kum ciangin eimi siate sungpan V. Kip Za Nang(atam zaw in sia Kip peuh ci ziau mai uh) in sang siapi hong sem masa pen iin 1979 kum pan in Karen ten hong laih to leuleu uh hi. 2006 kum pan in eimi Dr. Kem Thang in sang siapi hong ngah kha kik pan ahi hi.
Zomi siamsin pawl, MUAS pan in thu hong suahsak zel mah bangun, eimi te pen, hih sang ah mi namdang te sangin Pasian in hong lamsang zaw tawntung hi. Class graduation officer, Hostel monitor, kha lam ah zing leh nitak biakpiakna makai, la makai, ki pawlna tuamtuam ah makaih na aa kipan, siate khutzat hoih lam ah zong kumsim phialin ei mite in ki madawk den hi. Minam kipawlna zong eimi te in nopna dahna ah thu vaihawm ding leh asem abawlding pen, sang ki hon tung mahin panmun kigual dieudeau hang aa, atua nangawn hong eng mahmah khin uh hi. Hibang minam kipawlna pen mi namdang te in ei mite kipawlna ih neih zah in aki pawl khop na uh om ngei lo aa Boy's open house ni aa thu piang hangin ei mite sang naupang te leh siate hong gawi nop man ua
Thu piangte atom in:
Open House, Boy's ni aa thu piang teng(Group sungah hong ki khahkhah khin) hangin, MUAS sang naupang numei thumte khut zatin hong nei uh aa eimi 7 hong hawlkhiat sak ban uah, MYUM ah eimi sangsia thum teng zong aziizu(action) aki lak nadingin lai na khia uh hi. Zomi sangsia teng in: President Dr. Kem Thang, Head,Business Deparment Dr. Kham Khan Lian, leh Dean of Boy's Hostel Sia Gin Lam Cin te ahi hi. Pasal te kiang pan thu piang ahihmanin, pasal te boarder ukpa mawhmat pah uh hi. Sang khat pepeuh ah sang kah kum sung aa, sang naupang te programme khempeuh pen, Dean of Student Affair in atheihpih loh in, pawi khat peuh ahizongin program khat pepeuh pen akibawl lo hi. Tua mah bangin, MUAS ah zong, kumsim in, program tuamtuam omden in e.g, Talent night, Boy's Programme, Girl's programme, social programme, leh pawi tuamtuam a om hi aa, tua teng khempeuh pen, aki bawl hunhun in, Dean of Student Affair in buaina khat peuh a om khak loh nading ahizongin, ki sapna khat peuh a om leh ama tavuan hi phadiak ahihmanin, akigin/sin laitak uh ahizongin, koi ci bawlsawm cihte aa kipan, pawi aki bawl laitak mahmah inzong a vildet kul lai hi. Tua hi aa Dean of Student Affair, MUAS, Pr. VC Mang lah konlawh kha lo bilbel uh in kantan to zawsop iin, Siapi Kem Thang mawhmat to uh hi. Sang siapi za tuhkhiat nopna kawm kal ah paulap ding ahong om theih anangak khikhe uh ahih na ki lang mahmah hi. VC Mang zong eimi mah ahih tei hangin azi pen dekte mah hong hi aa, Siama Salome sanggam nu' pasal ahihmanin, ana hum cip uh ahi hi. Bang hang hiam cih leh Siama Salome niin hih sang naupang te hawl khiat ding ban ah, siate zum ah aki tut theih nadingin avaihawm madawk pawl lak ah akihel khat ahi hi.
Tuu laitak dinmun:
MYUM pan in action lakna a om loh ciangin, 2007 Jan. kha sung mah in, Myanma Women Affair, Myaungmya ah eimi sia teng hong khia ta uh hi. MYUM pan in hibang thu azak uh ciangin, Union representative in Sia Teddy Din paiphei hi. Pawlpi sungthu kilawmlo taka Gentilete kianga ongtutna uha amau nget na tawh kizui in, ih Zomi sia teng thum in a nasep na panun, position pan a withdraw dingin kiciamna lai bawl(sign) kei le uh, kumpi pan iin sang hong khakcip sak ding uh ahihmanin, sang
naupang te akhual na, pawlpi akhualna uh leh sang kikah suak theih nading deihsakna tawh tu laitak aa a panmun tek uh pan in akhawl ngam zawkna lai naphah uh hi. Eimi sia thum ban ah, dek siate pawl khat in hibang thu pen hi sa thei mahmah lo uh ahihmanin, eimi siate tawh akibangin kumpi zum ah apan mun panin akhawl nadingin lai naphah khawm uh hi. Atatak in hi leh, sang naupang te thu tawh kisai pen Dean of Student ii mawh puak pipen ahihmanin, VCMang in ama position pan in a withdraw masak pen ding hilai hi. Tua ahihmanin thu piangte aneng atawng iin ih gen khiat khit loh hang, bang hang aa hiciang tungto cih adeihna bulpi ki thei mahmah hi. Thu paizia aman tatak bangin kalsuan le uh, administrators khempeuh in position pan a withdraw khitvek ding uh hi zaw lai hi. Bang hang hiam cih leh, amau teng ukna leh vaihawm na sungah hibang thupiang ahihmanin, kua mah kimawh sak tuam ding hilo aa avek pi ua thupiang bangbang(asiia apha)mawh apuak ding pen ngeina hi zaw hi. Administrators sungpan aa position withdraw lo teng pen, eimi siateng ii mun ah aguan nop teng uh hi zel ahihmanin, position pan in a withdraw teng lak ah kihel lo pah uh hi.
Eimi khat hong hawlkhiat behsak ban uah hih bang thu teng hong omtoh lailai ciang iin, President of MYUM Pastor Muller Kyaw zongh Jan. 23 ni iin Yangon panin MUAS ah vapai phei hi napi'n, siapipa tawh lah va kimu pih lo iin sang naupang te hawlkhiat ding leh kumpi zum tun theih nading aa avaihawm teng tawh aki muh khit teh Yangon ah kileh kik pah hi.Eimi sang naupang te ahawl khiat theihtheih nading un mawh zongin thu sitsit lai uh hi.
Mun tuamtuam aa om Zomi te aw, hih thu hangin lungneu kei ni. Athuak te adingin thuak hamsa mahmah ding hi. Topa'n, thuman hong kilang sak hak nawnlo ding hi. Bang hang hiam cih leh, hih thu pen, sang naupang numei note vaihawm na hi leh, aki hawl khia khinsa sang naupang teng hangin lungkim huai khin hi aa sang naupang te in siate aza kiat ding leh siate' panmun ahazat nading uh athu om lo hi. Sang naupang numei no thumte(eimi khat leh dekte nih) in ih Zomi siate panmun haza hetlo ngel ding uh ahih teh, siate sungpan in hih numei thumte khutzat aa nei iin na hong sem khia uh ahihlam kitel mahmah khin zo hi.
Ngaih sut huai:
MUAS in Kawlgam sungah Adventist sang lian pen leh Pasian thu laigil tawh ki pattah na sang ahih ban ah, leitung bup lungdam thu tangto dingte ki pattah na sang ahih na tawh kizui iin minam deidan leh pampaih omlo iin Kachin, Karen, Kaya, Chin(Mizo, Haka, Falam, Matupi, Asho, Laimi, Zomi…)Mon, Myanmar, Rakhine, Shin(Lahu..) …cih bangin
minam kim kigawm na Boarding sang khat ahi hi. Hih sangpi ii ngiimna ahi Mission Statement in anuai aa bang hi. MUAS' Mission Statement: The Myanmar Union Adventist Seminary, operated by Myanmar Union Mission of Seventh-day Adventists to prepare individuals for Christian leadership and service in Myanmar, is committed to provide a high quality Christian Education which encourages individuals to uplift Jesus as a personal Savior with a life of consecration, to achieve excellence in service of commitment, to internalize Christian values, to cultivate the intellect, to foster a recognition of the cultural heritage and to develop skills of competence for professional life in harmony with the Adventists faith. Sang naupang te ahoih kei phial zongin zunding leh lampi man hilh ding pen siate tavaun hi cileng ih khial kei ding hi. Ih sang siate pawlkhat in ahih leh ih Zomi sang naupang te mawhna zong bek thamlo iin, mawh maisak ding cih sangsik in ahawl khiat ban uah, hawlkhiat theihtheih nadingin thu kanding in committee kiphuaih liang uh iin, siate nangawn hibangin hong bawl toto uh pen, Pasian hong nai luatna akilat na tatak ahih nathu phawk kawm iin, thang paih nading leh heh nading iin la kei zaw ni. Secular sang te leh pawldang sangte ah hibang thu a om lam thei kha ngei nailo hang aa, Pasian thuman zuipen leh Biakna manpen alen ih sangpi aa sia semte sungpan hibang aa Gentilete kiang dong ah ih tun theih nading hibang lungsim anei sang sia pawl khat a om mah bang iin, ih innkuan sung, pawlpi sung leh ih kipawl na tuamtuam te ah Dawi mangpa in na hong sem tawntung ahihna athak in ih phawk ding leh Dawi mangpa khutzatte lak ah ih ki hel khak loh nading iin Topa lam ah ki ap pha ciatni.
Thu khupna:
Leitungah mihing khat in anuntakna sungah ama khialh nalo pipi in kimawh sakin, tua ama khialhna hetlo pi pen athu man bang aa lakkhia kik man lo in anuntakna abei khin mi tampi om kha ding hi. Atam zaw hangin ahizongin, kamtei na hang khat peuh tawh, mikhat peuh minsia sak leh guallel sak zong nak om pha mahmah hi. Tua thute aman bangin ki pholak man lo in aki khup nelh zong om kha ding hi. Ahizongin, MUAS aa thu piang khempeuh pen, ih siate khialhna khat zong om lo ahih nathu asawt hetlo in hong ki lang khia tading hi. Ei mihing te hamciamna leh sep zong kullo iin damdam in thuman bangbangin hong kitel khia baih tading hi. Topa tungah thu ngen in hong kihek nop nate hangin lungkia lo in ki ap tawntung ni. Asawt lo in MYUM in MUAS aa ih Zomi sia thumte panmuh hong laih sakna uh ki thei ding hi. Ih Zomi siate in koikoi ah aki koih zongin, lung kia lo aa, thuak zawhna leh hibang thupiang khempeuh hangin amau mailam kalsuan nading, ma aki hon zawk na ahih nading iin Vantung aa om ih Biak Pa Pasian in vantung
Itna leh tawh khazih sungah na sanggam uh,
Senzakhe(SZK)
