MUC

Print Friendly and PDF

Friday, September 26, 2014

LESSON 1 SEP. 27 - OCT 3 JAMES, TOPA' SANGGAMPA

LESSON 1

SEP. 27 - OCT. 3 JAMES, TOPA' SANGGAMPA

SABBATH NITAK
TU KAAL SUNG SIM DING: Jn. 7: 2  5; 1Kor. 15: 5  7; James
1:3; 2:5; 1Pet. 2: 9, 10; Matt. 7: 24 27.


KAMNGAH: Ka hong thu piak bangin na gamtat uhleh, ka lawmte na hi uh hi (Jn. 15: 14).


Sawltakte'
hun, amau omna mun le tuhun kilamdang hi. A mipihte bawlsiatna thuak uh bawlsiatnate hangin mun khat pan mun khatah a tai kawikawi, innah kikhawm uh cihte

simloh amaute' nunzia tam i thei kei hi. Jame in Jew mite le Tapidawte kizopziapulaak hi. Tua banah kum zalom nih a kipan Gentile Khristiante in pawlpi a makaihnacihte zong pulaak hi. James Laikhakin Sawltak dangte bangin pawlpi thubuaitawh kisai laikhak hi lo-in, a kithehthang thu-um mite tungah laikhak ahi hi (James 1:1).




James laigelhte i kan ma, tu kaal sungin,    laikhakpa James thu sin ding hi. James i cih kua hiam? Ama tangthukoi bang hiam?Koibangin Khrih tawh kikholhna nei ngei hiam? Pawl sungah bang panmun nei hiam? cihte i sin ding hi.




SUNDAY SEP 28        

JAMES, JESUH SANGGAMPA

Pawlpi masate in James Lai Siangtho a gelh kua hi cih thei tel mahmah uh hi. Bang hang hiam cih leh, a thupatna ah “ Pasian le Topa Khrih sila keimah James in leitung mun khempeuhah kithehthangin a om minam sawm le nihte tungah hopihna lai ka hong gelh hi, ci-in kigelh hi. Hih bangin a gelh kua hi ding cih kimu thei pah hi. Lai Siangtho Thak sungah James min nei mi li om hi. Nungzui sawm le nih lak panin nih (Mark 3: 17, 14, 18); Judah Iscariot hi lo Judah dang khat ii pa ( Lk. 6: 16) le Jesuh ii sanggampa ahi hi ( Mark 6: 3). Hih James min nei mi li lak pan Jesuh ii sanggampa mah sawt nungta pen hi. Amah pen pawlpi sungah zong mite zahtak mahmah makai le laigelh thei ding makai cingtak khatin kiciamteh hi. Tua ahih manin James Lai Siangtho a gelh pen James, Jesuh sanggampa hi, ci-in kiciamteh hi.


Let-ta-ma nasepna pan a khangkhia ahih manin (Matt. 13: 55) midangte sangin laisin theihna hun ngah kha zaw hi. Lai Siangtho Thak sung ah laigelhzia, a hoih pen hi phial hi. Kammal zatzia, a thuluan zia cihte Hebrew laigelhsiamte bangin laigelh siam hi. Jesuh sanggamte lakpan James min masa pen ahih manin amau unau ah a u pen hi kha thei ding hi. Ahi zongin Jesuh in a nu Mary a khoi dingin John sawl zaw hi (Jn. 19: 26, 27). Cihnopna ah Joseph le Mary sung pan piang hi lo-in, Joseph in Mary tawh hi lo, a zi masa tawh a neih a tate hi zaw ding hi.


Jesuh nasepna tawh kisai-in, “ a innkuanpihte in hih thu a zak ciangin Jesuh a la dingin kuankhia uh hi. Bang hang hiam cihleh, “Jesuh mihai suakta hi,” a kicihna thu a za uh hi (Mark 3:21; Jn. 7: 2-5) Jesuh innkuanpihte in amah a bawlzia uh, Jesuh in bangci bangin a ngaihsun diam? I it i ngaihte in hong telkhialh thei uh hi. Tua bang hun ciang, Jesuh le a innkuanpihte tung panin, bang na phawk hiam?

______________________________________________________________

______________________________________________________________


Messiah ii nasep telkhial, a vanglian Jesuh nuntakzia thei lo uh ahih manin, Biakbuk Pawipi sungin amah le amah kipulaak ding, Jesuh innkuante tawsawn uh hi. Ellen G. White, The Desire of Ages, 485 , 486.


MONDAY SEP 29   

 JAMES, THU-UM MIPA

1Kor. 15: 5-7; Sawl. 1: 14 sim in. James tungah bang kikhelna piang hiam?

_____________________________________________________________

______________________________________________________________

Jesuh in sihna pan a thawh khit zawh, Peter le a Nungzui (Judah Iscariot sim loh) a kipan mi tampi tungah kilaak hi. Tua khit ciang hun khat sungin mi zanga tungah zong kilaak hi. Tua mi zanga lakah James kihel kha lo hi. Jesuh in a tuam vilvelin James tungah kilaak hi. Tua mi zanga tungah a piang thute Lai Siangtho sungah kigelh lo hi. Ahi zongin tua thu hangin James tungah kilamdanna khat piang hi cih pen kimu hi. Bang hang hiam cihleh, tua thupiang hangin, James in Jesuh nungzui muanhuai le pawlpi sungah makaipi-in om hi.

James thu a dang bang kigelh hiam? Sawl. 12: 16, 17; 15: 13, 14, 19; 21: 17- 19; Gal. 1:18, 19; 2: 9 sim in.

______________________________________________________

_______________________________________________________

Jerusalem ah pawlpi makaite lakah James pen makai masa khatin kihel hi. AD 44 kum a thongkiatna panin vantungmi in honkhia hi. Peter in James tung panin a thupiangzia khempeuh thei nuam hi (Sawl.12: 17). Kum nga khit ciangin, Jerusalem ah om suakin Jerusalem Council ah thukhensatnate hawmkhia hi. Paul in Jerusalem pawlpi makaipite a pulaakna sungah Peter le John sangin James masak zaw hi (Gal. 2:9). Jerusalem Council thukikhup a mantak uh ciang, cimawh huhna ding sumte Paul in a kaihkhopma-in, tua sumte James kiangah koih uh hi (Ellen G. White, Sketches from the Life of Paul, 208, 209.

Nungzui sawm le nihte a sih khit uh ciang, James in a kizahtak mahmah pawlpi makai khat hi. Mi tampi in ama min: Thuman James (James the Just) ci-in minvawh uh hi. A langpang a om hangin, James in Kha Siangtho tawh kidim pawlpi makai khat hi.

TUESDAY SEP. 30

JAMES LE LUNGDAMNA THU

Martin Luther ii thuhilhna hangin Khrisian tampi in James thuhilhte paakta lo uh hi. Nasia takin Luther in pawlpi puahpha mah taleh, tua puahphatna bei lo hi. Leitung hun bei mateng, puahphatna kisam tawntung hi. Luther in tua bangin puahphatna bawl hi mah taleh, a pulaak khak loh a man lo thu om veve hi. Tua thute pulaak kul hi. Ellen G. White, The Story of Redemption, 353. Tua hi-in Jonathan Edward, George Whitefield a kipan John Wesley in Methodist pawlpi hong pan khia a, siangthona lam thupi takin tangko uh hi. Tua bangin khanlawhna kum tampi sung kizom toto a, Topa Pasian in Vantungmi Thum Tangkona pulaak dingin Seventh-day Adventist hong piang khiasak hi. Pasian Thukham le Jesuh teci panna a len mite in Kha Siangtho vangliatna tawh mun khempeuh ah hih thupuak tangko uh hi.


Mang. 14:12; James 1:3; 2:5, 22, 23; 5: 15 sim in. Koi bangin upna in nasem hiam? Upna tawh nungta i cih pen bang hi ding hiam? Koi bangin upna thu in, upmawh thu bek hi lo, a a dang bang hong hilh hiam?

__________________________________________________________

__________________________________________________________

James ii laigelh in tawmno khat ahih hang, a genkhiat thu in tampi huamkha hi. Sepna le Khrih dikna sangin, umin tua upna bangin nuntakna tam gen zaw hi. A laigelh kipatna lamah, pilna kisamte in upna tawh nget ding hong hilh hi. “Ka um hi” cih ziau hi lo-in upna taktak hong hilh hi. Tua bangin thu-um hi bek lo-in, upna takpi neite, amau nunzia in a' upna kilangsak hi.

Koi bangin nisimin na nunzia in upna taktak pulaak hiam? Thuneu no khat tung nangawn ah na up takpizia koi bangin kilang hiam?


WEDNESDAY OCT. 1

A KITHEHTHANG MINAM 12 TUNGAH

James 1: 1; Sawl. 11: 19 21; 1Pet. 2: 9, 10 sim in. Hih minam sawm le nihte in kuate hiam? Koi bangin mun tuamtuam ah kizel uh hiam?

____________________________________________________________

____________________________________________________________

James laikhak in thu-um mite tungah a khak ahi hi. A masa-in Nungzuite in Jerusalem panin kipan uh hi (Lk. 24: 47). Ahi zongin Stephen in suangtawh denlupna a thuak a kipan bawlsiatnate hangin Roman Empire mun tuamtuam ah kithehthang uh hi. Sawl. 11 sunga kigelh mah bangin Antioch a om Gentile mite kiangah Lungdamna Thu kizel thei pah hi. Tua hi-in minam sawm le nihte in thu-um mi khempeuh a cihna ahi hi. Peter in a gen a kithehthang a siangtho minam i cihte in Pasian thu-um mite a cihna ahi hi (1Pet. 2:9; Pai. 19: 5, 6). Israel gam panin mun dang tuamtuam ah kithehthang Jew mi khempeuh a pulaak kammal ahi hi (Jn. 7: 35).




“Mun tuamtuam ah kithehthang pawlpi” cih kammal in Seventh-day Adventist pawlpi tawh kibang hi lo hiam? Kampau, ngeina, minam tuamtuam ihih hangin, Protestant pawlpi lakah bang in SDA pawlpi hong kipumkha sak hiam?


THURSDAY OCT 2

JAMES LE JESUH

James in Jesuh a naupan lai hun a kipan, a khangno hun, a gol khit, cihte mu-in a hampha mi hampha ahi hi. James in kamsangte genkholhna thute a up banah Jerusalem pawlpi ah makai-in om hi. Jesuh in sanggam ci-in samlo zaw-in sawltak;” “ sila” ci-in sam hi (James 1: 1, 10).


James Laikhak sungah kiniamkhiatna, vantung pilna cihte limtakin hong hilh hi (James 1: 9-11, 21; 3: 13 18; 4: 6-10).
A nuai-a Lai Siangthote enkak in. Bang thu gen ciat uh hiam?

James 3: 12 le Matt. 7: 24 27 ____________________________

_________________________________________________________


James 3: 12 le Matt. 7: 16 ________________________________

_________________________________________________________


James 4: 12 le Matt. 7: 1__________________________________

__________________________________________________________

James ii genbel thu in, Jesuh Mualtung Thuhilhna mah hong hilh kik hi. Jesuh thuhilhte in James nunzia huzaap hi. James Lai Siangtho le Gospel (Matthew, Mark, Luke, John) in thu khat le khat kizopna nei lo tawh kibang hi. A taktakin tua bang hi lo hi. James in a gelh thute Jesuh tawh kilawmtatna, Jesuh thuhilh bangin nuntak ding cih thute mah hong hilh hi. James in gah nei lo upna, upna kician lo cihte panin upna kip, gah nei upna neih ding hong hilh hi. Jesuh tawh kizopna ah upna in a laigil taktak ahihzia hong hilh hi.

A gina upna, upna taktak na nei hiam? Koi bangin na upna kilang hiam? Tua upna in koi bangin hong nungta sak hiam? Bang thute in upna kip, gah nei upna hong nei theisak ding hiam? Bang khensatna na neih kul hiam?

FRIDAY OCT. 3

SIMBEH DING: Jesuh sanggamte in Jesuh kiangah Pharisee mite upna, na khempeuh thei a kisakzia cihte pulaak zel uh hi. Jesuh sanggamte in a teltheih loh thute, Jesuh mawhsak uh hi. Tua thute in Jesuh' lungsim nasak uh hi. Pasian um mahin kinei uh a, ahi zongin Pasian in mihingin hong kiniamkhiat tak ciang, amauten Khrih Honpa thei lo uh hi.

“Mawhna khialhna in Jesuh pai nading lingtawh kibawl lampi, gimna lampi suaksak hi. Jesuh in tawldamna a ngah nading mun panin gimna hong thuak hi” Ellen G. White, The Desire of Ages, 326.

KIKUP DING DOTNATE:


1.    James Laikhak in thu-um mite nunzia ding lam hong lak hi. Thuciam Thak sungah kigelh masa penpen zong hi kha thei hi (AD 44 le 49 kikaal a kigelh hi). Pasian thuthuk sinna banah nunzia ding zong hong hilh hi. Bang thute um cih sangin bang hangin i up thute nuntak pih ding thupi zaw hiam? Ahih kei leh, koi bangin i upna nuntak pih cih sangin, bang thute um cih thupi zaw maw? Gentehna-in Sunday ni pen Pasian tawlngak ni ding mah hi, ci-in lungsim takpi tawh a zui mi le upna nei lo Sabbath zui mi, hihte gel in kilamdanna a nei hiam?

2.     Monday ni thusinna ah Jesuh pen James sanggampa hi, ci-in i gen hi. Jesuh pen Pasian, na khempeuh Piangsak Pasian hi mah taleh, eite mah bangin sanggam u le nau nei mihing mah ahi hi. Hih thu in koi bangin, van le lei, Pasian le mihing kizopna hong lak hiam?Mihing a hong hotkhiat nadingin bangci bangin Pasian in nasem hiam? Jesuh in mihing hi napi, mawhna sungah nungta lo ahih manin, koi bangin siatna zawh theih nading hong lak hiam? Ze-etna i thuak ciang, gimna i tuah ciang, koi bangin Pasian in hong mu ding hiam?

3.    Tu kaal sung i sin thu in kiniamkhiatna thu bulphuh hi. Singlamteh tungah Jesuh thuak gimna in, kiphatsakna, gitlohnate in, bang hangin Christian nuntakna ah kiniamkhiatna kisam pha mahmah hiam cih hong lak hiam?

To get the latest update of me and my works

>> <<