ELLEN G WHITE NUNGAH
KAMSANG DANG HONG PIANG DIAM?
By Arthur L. White
DOTNA: Pasian
in Ellen G White tungtawn bek tawh ‘A
Beibaang Pawlpi – The Remnant Church’
hohpih ding maw ahikeh kamsang dang ii lamen lai ding hiam?
DAWNNA: Hih thu in
Ellen G White sih ciangin Remnant Pawlpi sungah ‘Genkholna Silpiak – the Gift
of Prophecy’ tawh kisai a kitheih nuam mahmah thu khat ahi hi. Ellen G White bangin mi dang khat tung tawn
in Pasian in hong hohpih ding hiam?
KAMSANG KINEIH
PAWLKHAT
Ellen G White 1915
kum a si ma, kum 10 sungin kamsang ka hi a ci mi 12 sang a tamzawte in laikhak
tawh ahih zongin a mi mahmah tai tampi gamla pan hong pai in Ellen G White
mahmah tawh na kimuh ahih zongin, “Nang sih khit ciang nang hong laih dingin
kei hong kitel hi,” ci in na gen uh hi.
Tuabang a gen uh
ciangin Ellen G White in, thupiak – commandment’ ‘hilhna – instruction bangmah ka ngah kei hi,” ci hi. Ellen G
White a sih ma kum 5 sung tua bang laikhak 5 pan 8 bang a ngah ciang “Bangmah hilhna ka ngah kei hi,” ci hi. – Battle Creek Enquirer, 25 July
1915.
Ellen G White dam
lai, 6 October 1912 ni’n W. C. White laikhak a atna ah: “Ellen G White vaipuak
kua in la ding hiam?” ci in a kidot ciangin Nu in, “Ka thei kei hi. Pasian in
hong lak lo hi. Pasian in a nasemte Ama’
nasep hilh ding hi. Tua lungkham in ka
nei kei hi,” ci hi.
“KA LAI-ATTE IN A
TAWNTUNG THUGEN DING”
Ellen G White in
1907 kum in hibangin laigelh hi: “Hun nunung ading ii mipihte ading a kicing
khuavak hong kipia zo hi. Ka nuntakna hong ki kemcing taleh, hita kei
leh ka lai-atte in a tawntung thugen dinga, amau nasepna in leitung bei dong in
mainawt ding hi” (1SM 55).
1922 kumlai in
W.C.White laikhak ah “Hiah ka lai-atte om hi.
Ka paikhiat khit ciangin amau in kei tangin teci pang ding hi” W.C.White
Letter, 9 July 1922.
THUKHUPNA
Hi thu teng ii et
ciangin Ellen G White sih nungah kamsang ii neih kei a, mailam ah zong Ellen G
White lai-atte in hong makai ding hi.
Kamsang thak ii nei kei ding hi.
