Kiteelna mankhit
phetin, Sia Gin Kok kamsungpan," Churches Union of Upper Myanmar
Mission" din ding, lunggulhna khat hong ging khia hi. Kiteelna result tawh
hong tonkhawm ahita zongin, ahoihlamin suito leng, sialo lel hi. Ahi zongin tua
in Myanmar Union Mission neih natna hong satmai zo diam! cih dotna omlai hi.
Position mun
hawmcing ding deihmanin gamkhen ding pen thuneu deuh hi. Pawlpi ki-ukna pen
position hawmcing ding bekin ngaihsun leng, khalam manthanna tua sangin lianzaw
theilo ding hi. Zuau leh golhguk bei ngeilo ding hi. Kiheekna kizuakna bei
ngeilo ding hi. Thatang tawh kaikhia a za kituhna bei ngeilo ding hi. Ih
deihloh pen tua teng ahi hi. Pawlpi min hu bangin satan zat hiam khempeuh hong
zang veve ding hi. Ngun leh khamzah aa manpha Pawlpi sianthona leh namtuina
khempeuh ekgim namsak tuate ahi hi.
Gilpi-pasian bia
worker ineih laiteng corruption thakiam theilo ding hi. " Amaute kisiatna
sung a tung ding uh hi. Amau pasian pen a gilpi ahi hi. Amau minthanna pen maizum
huai hi. Amaute in leitung nate a lunggulh uh hi. "Rome 16:18. Phil 3:19.
Policy hoih in mihing sunglam kheel theilo hi. Ahih zongin a langtang a kizang
palsatnate dal thei, khaam' thei hi. Perfect zokei zongin, thatang zang a
kisiatna tawm zawdeuh hi.
Union Executive
pass loh in.
Kawlgam pawlpi
buaina pen sukmai[solve] theihloh buaina hilo hi. Solve noploh buaina ahi hi. A
piangzolo ding buaina hilo-in, a pianglo dinga kibawl buaina ahi hi. Churches
Union nihin khen nuam mahleng zong, Union Executive ii pass lotawh kikalsuan
thei tuanlo hi. SSD/GC in, Union tungtawn bekin naseem ahih manin, unionte
convince zoding omlo hi. SSD /GC in advice pialeh a mangding bangkekin omphot
ding uh hi. Uaikai takin kumsawtpi susat tuanlo ding uh hi. Khenih suah ding limlim
lunggulh loding kacihna hi.
Tulaitak UMM huam
teng hong pianuamlo lai ding hi. Ngiankawi tawh lampi hong zong ding hi.
Kachin, Shan, Kawl om sunsun koizaw -ah ut hong cise lai ding hi. Zomi siate
omna a piakpak bangin a lungkim nadingin bangkhat tawh thoih pak ding uh hi. A
sepnop teng a sep khit ciangin lusei ten "ngaibok" acihmah hong bang
ding hi. Khensatna omngeilo buaina hong suak ding hi. SSD in amau khensat lohin
bangmah hong semkhia lo ding hi. Amau mahmah omkhin lai sawnsawn hi.
MUC nunghei lo!
Conference movement
suksiat nang ngimna pen namkim khin mahmah hi. Mawhsakna leh kosiatna maizumna
khempeuh i thuak khin hi. Puak ding mawhsakna vangik ih puakloh omlo hi.
Nisimin sihna guamsung i nawk den hi.
Satan thang'khak
khempeuh i nawk kha hi. Sisan tawh a nungta mihing thuak dingin puakkhop cing
mahmah hi.
MUC pen nasia takin
protection neih kul ding hi. Cikhuam i suakloh nadingin mailam tangtakin i en
ding hi.
MUC pen i
galtaibuuk ahi hi. Ih tawlngakna khawlmun ahi hi. Ih galdalna kulh ahi hi. Khitui
tampi tawh, lunggimna tampi tawh kingakna-mun a hi hi. Kuaman hong recognize
nuamse takei leh C dingmun a tung khin ihi hi. Hong recognized mahleh zong tu-a
bangmah ding hilel hi.
Mission khekhap
etkikna.
A. Union Mission
makaite in, Pasian gamzai nading leh khagupkhiatnamungtuppi-in neitaktak hileh;
1. Member a tullom
a lakkhiat pen enkhong zo-in ka-um kei hi. A tawsawn amau ahi hi. Pasian naseem
thuman tuucing te in "Mihing khatkia a om zongin Zeisu in hong tan veve
ding hi," cihpen telsiam mahmah uh hi.
2. Upper Burma
Mission khantoh nading hong khual hileh, C dinmun hong thukimpih kei zongin, a
kizanglai, sanginnte khakin, mihon biakpiakna inn khakin, projects plan susia
lianglo ding hi. Khasiangtho tawh kisawh khalo miliam-saliamgamtatna ahi hi.
3. Pawlpi mite
kivakna Vantung mana-moh ahi Sabbath Lesson khaktan zawzen lo ding hi. Sia
Phung Kai a nuntaklai-in "Church of God" aa taai, SDA upna nak
langpan mahmahte, "Once-saved always saved" thu-um a, SDA upna hong
zahkokote nangawn lesson luite vapiapia lai hi. "Bil nei mi in za un"
4. Union uliante
pen Khasiangtho nei Pasian teelmi taktak hileh, "Na Logo uh khahsuah kei
un," ci-in, thubawllo thamlo-in, upna dangte nakhahsuah kha kei un, ci-in
thu nget saksak ding hi.
5. Union leader te
pen Pasian khutzat hileh thongkiate veh ding uh a, a memberte pawlpisum
hualpuakin heeklo ding hi. C lamte amawhzaw ahih phialleh zong 70x7 vei maisak
zo kei zongin bawlsia lo ding uh hi.
6. Union makaite
Kha tawh kidim makai taktak hileh golhsum(bribe) tawh zum kah loding hi.
Plaintiff sumzang aa thubawlte pen mihoih hingeilo hi. SDA in plaintiff sem
ngeilo ding cih, ngeina hoih kinei hi. Christian taktak sittelna namkhat ahi
hi.
7. Union makai pen
Pasian teel tuucing hitaktak leh, galkap palik tawh kopin gangster bangaa
ngongtatte khutzatin neilo ding uh hi. Ordination tawh pahtawilo ding uh hi.
Tua ahih ciangin Myanmar Union Mission pen Gangsociety
buphualna
munmuanhuai pen mun hong suak hi. Khagilkialte belh ngam ding mun hilo hi.
B.
Myanmar Union Mission sapna.
M support aa kinei
sia nihte sapna kiza hi. Amau lah Union represent lah hilo, union in amau sapna
khawng a phawkpih lah hipeuhmah lo hi. Aakpi atui khit ciangin a neel nasa-in
kawkek thei hi. Aklui in bang cih theilopi-in kawkek pih mawk hi. Aaklui kawkek
bang ahi hi. Zomi worker omsunsun pen kambuansiakna-in hong nei lel uh hi.
Lametnei a tungdian a om ciangin, a lehlam nga-in a nuinuite ahi uh hi. A
zatnopte zangin a zatnoplohte a paiziau uh hilel hi. Amau sapna khawng thu-a
sim theihnam hilo zel hi.
1. Ciah kik ding lamen
aa hong veii hong ngaitaktak ahihleh bang hangin neihsa teng tuamsuh sawmin
diangdiang mawk uh hiam? Bang hangin gal bangin hong do mawk uh hiam? Ih zatlai
biakinnte sanginnte laksawm mawk uh hiam? Bang hangin a mite leh a vante
khenkhen mawk uh hiam? Pasian bia theilo dongin koih hong sawm mawk uh hiam?
Lungsimciim ten muthei tel thei ding uh hi.
2. Conference
movement pen naupang kimawlna hilo hi. Union icih zong government khat ahi hi.
Party nih tuakin guarranty evidence om kul hi. Union sapna kiza ngeilo hi.
Gamtat tawh zong angvanna kimu ngeilo hi.
Bangbang ahizongin,
M leh C pen khauhtak tuakin ding khin hi. MUC tawh lungkimzo lo i omleh zong,
Mission biakinn ah pai khekhe in a nunggualah vatu khian leng, ngawng kitan
dekin hong lehet ding a, lungdam mahmah ding hi. C sungah thubuai phot se kullo
ding hi. M te C lunggulh a omleh zong, kikhopna neituam khin ihihmanin maitai
takin vapai ding hilel hi. Party nih kileptuahna pan thukimna ngahlo-in
association mintawh lomlut ding pen geelna om kikeuhlo hi.
Gen Khin Ngyunt leh
Patriotic Underground Movement Leader khat gallemna maitang kimuhna nei uh hi.
A kipatna leh a thukhupna ciantakin kangai hi. Articles thukhun zui a kikup cih
omlo hi.Naupang zol bangin "Paa -tii, paatii" bang hiam nadeih hong
hihsak ning, cizal zal hi. Tribal leader pan bel " nong hi kei mawkleh [
ma-loh-loh ga-dawh] cihtawh bei leltak hi.
Kilemna ci'n Kawl
galkapte Tapong-camp omna khempeuh deih bangin pai uh hi. A sungthu khempeuh a
theih khit ciangin kapcip suk lel uh hi.
Union Mission pen
government khat suak hi. Security munmuanhuai omlo-inkikup huailo hi. Thukhun
kiciamna articles neilo-in agreement bawl huailo hi. Ei MUC pen tua bangmawk a,
huihlak awging tawh kalsuan dingte ihi kei hi. Gamkhat ukzawhna khuak a nei
ngentang makaihna ahi hi.
3. Tulaitak dinmun
pen kuakua a pau zongin, C dinmun hikhin hi. Vantunggam paina dingin leitung
mihingte recognition zong a kisam hilo hi. Kha thu-ah C leh M sungah vantunggam
ciamlo ding omtuak mahmahin ka-um hi. M in
vantunggam warranty
pia thei hilo hi. GC tawh kizop nailoh hangin SDA hihna kipelh lo hi. Upna
thukhunte i khahsuahmanin SDA kihilo thei bek hi.
Leitungah Pasian
thukham a len tinten, "Sabbath pen Topa aading lungnopna ni hi", a ci
denomination 517 bang om hi. [ Directory of Sabbath
ChurchesWordwide].Seventh-day hi ungh, a ci Pawlpi 18 bang om hi. Adventist hi
ungh, a ci 3 om hi. Tua lo a dangte in Pasian thukham leh Sabbath khotakin len
uh hi. Min tuamtuamin kipawlna nei tek uh hi. Mrs White sangselo napi ei
banglian a, temperance hoihmahmah zong tam hi. Gupna tawh kisai mipum tungah
kuamah thu i khen dihdih kei ding hi. Eite san Upna tungah khotakin kinga-in
tuapen Lungdamnathu bucing hi, ci-in i tangko ding hi. SDA cih minpen
Lungdamnathu bucing hilo hi. Upna thukhun hizaw hi.
Pr Thang Siangh.
zogampalpi@...
