Tu nung Aug. 2006 kha kipat kal nih sung Kawl gam a, ka om sung in, SDA pawlpi te sung a, thupiang pawl khat ong hawmsawn nuam ing. Phat tuamna a om ding leh om loh ding pen a za mi khempeuh in, kibulh siam, leh zatsiam sawm ni.
Sia Thawng Hau genna :
Kawl gam sung ah Conference min tawh ih mipih te a tamzaw a kisin, a ding ih theih ciat mah in, sehsuah ii sehsuah ei zat ding hilo ahih phawk na tawh leh SDA pawlpi khat hih na tawh Aizawl ah a sumpi uh puak in, sia Thawng Za Hau va pai to a, Mizoram Union Conference makaiPu Zairemthanga in lungdam tak leh lungnuam tak in, na sang in , receipt hoihtak na pia hi.Sia Thawng Hau leh U Sangcia zong hih kizomna picing hi, ki ci in, ong kikhen uh a, a om na tuak uh
lungdam tak in, ong zuan tuak uh hi.
Ahi zong in , sia Thawng Hau pen ong ciah ciang in, Vaivakawn ciaang bul ong tun suk ciang in, Chantagyi khua mi, Pa Thang Lian Nang Seventh-day mual lam manawh to sal sal a muh teh, hi pa aw, akoi ah pai sawm a ding cih lung himawh pah hi. A upmawh bangmah lian in, a zing ciang zingsang in, sia Thawng Hau innlam lungnuamtak a, ong ciah suk ding kim lai, Mizo Conference makaipa Pu Zairemthanga in, telephone tawh ih siapa a zum ah na sam kik a, no Kawlgam lam SDA Mission leh Conference cih na buaituak mah mah veu cin, sumpi khawng ongsang ngam lo mai ding ka hiam? na ci hi. Sia Thawng Hau in, bangmahko buai kei ung, ongbuai sak nuam om a hih leh tua thu khat
hi bek in, tua ong buaisak te leh amau leh a mau kibuaisak uh hi lel hi, cih tawh sumpi bel a kiap sa mah bang in, kimang suak uh hi.
Hih Chantagyi khuami Pa Thang Lian Nang pen Lusei pau zangsiam ding a, mission kici makai te sawltak a zat uh hi cih upmawhhuai mah mah hi.
SDA ten ih nasep ding gupna thu tangko ding ih goal hi napi a, hici bang a, Conference dinzawh loh na ding sasi zon den keei, mission sia a ki nei pawl khat leh a khut zat uh laymen pawl khat te, dawite sang kihtak huai zaw liang cih innlam(Kawlgam) a om ih mipih te kiang thuthang hi.
Gawsing SDA ki tuiphum nuam mimal teng a khol sak Pa KhanCin Zam Vung, leh Kuanglian(Tuikhal leh Sawbua kikal khua)khua a,SDA tui ong ki phum nuam te a kho a, Kawlpi pan a, mission sia min pua leh mimal teng gamtat te ih ngaihsut khak ciang in,Kawlgam sung a, mission min tawh makai a, ih nei SDA pawlpi bel SDA cih thadah, Christian ding in zong kilawm nai ding hiam? cih nop huai sa ing.
Hi ci bang gamtat sia mission min tawh thu vaihawm na pen , hoih mah hi, Pasian tel hi ding hi, mission mah bel ve ve ni, ci a, sungte peuh,maak te peuh, sanggam te peuh a zol zol ei misung ah mipil, misiam pi pi ,ii thasan keei lai mawk pen bang hi mawk hiam? cih tunta mai hing.
Hih lai a sim mimal khempeuh, na lungsim uh kisit pha dih un. Pasian en kawm sa a, Amah biak kul a, Pasian khutzat hilo nasepna peuh mittaw sialkhau let tettat zong , a lauhuai na ciang ong tun thei a
hih man in, ih din mun ki et hun mah mah sa ing. Gen khialh a om leh note leh Pasian in ong maisak hen.
Pa Kap Pau(Orlando)
